Fevralın 18-də Abşeron rayon Heydər Əliyev Mərkəzində iki gəncin- Vüqar Cəbrayılov və Xədicə Metiyevanın nigahlarının təntənəli qeydə alınması mərasimi keçirilib.
Nigah mərasimindən öncə gənclər Heydər Əliyev parkına gələrək Ulu Öndərin abidəsini ziyarət edib, önünə gül dəstələri qoyublar. Sonra gənclər Heydər Əliyev Mərkəzində olub, burada Ulu Öndərin zəngin irsini, həyat və fəaliyyətini əks etdirən eksponatlarla tanış olublar.Nigah mərasimində gənc ailələrin valideynləri, yaxın qohumları, nigah şöbəsinin əməkdaşları və Heydər Əliyev Mərkəzinin işçiləri iştirak ediblər.
Mərasimində çıxış edən Abşeron rayon Heydər Əliyev Mərkəzinin müdüri Tükəzban xanım Həsənova hər iki cütlüyə xoş arzularını bildirib, ailənin əhəmiyyətindən və onların müqəddəs varlığından danışıb, yeni qurulan gənc ailələrə xoşbəxtlik arzulayıb. T.Həsənova bu təşəbbüsün artıq bir ənənə halını aldığını qeyd edərək bildirib ki, gənclərimiz həvəslə öz nigah mərasimlərini Mərkəzdə qeyd edirlər.
Sonra gənclər arasında nikah müqaviləsi bağlanılıb və gənclərə nikah şəhadətnaməsi təqdim olunub.
Çıxış edənlər mərasim iştirakçıları yeni ailə quran gənclərin nikah mərasimlərinin müasir Azərbaycanın memarı və qurucusu Heydər Əliyevin adını daşıyan Mərkəzdə keçirilməsini həyatlarının ən xoş anları kimi xatırlayacaqlarını bildiriblər.