İcra Hakimiyyəti və Bilik Fondunun birgə təşkilatçılığı ilə Abşeronda daha bir mühazirə Masazır 4 nömrəli tam orta məktəbdə təşkil olunub. Yerli ictimaiyyət nümayəndələrinin iştirak etdiyi tədbiri Bilik Fondunun Abşeron rayonu üzrə nümayəndəsi Teyyubə Hüseynova açaraq, Ümummilli lider Heydər Əliyevin səyləri nəticəsində Azərbaycanda yaranan stabillik, xalqın dövlətə inamı, vətəndaşın hüquq və azadlıqlarının təmin edilməsi barədə məlumat verib.
AMEA-nın fəlsəfə və hüquq inistitunda politolojiya şöbəsinin müdiri, professor, fəlsəfə elimləri doktoru Rəna Mirzəzadə məktəbin müəllim və valideyn kollektivi, həmçinin rayon ictimaiyyəti nümayəndələrinə dövlət siyasətinin başlıca istiqamətləri haqqında ətraflı məlumat verib, ölkə başçısının həyata keçirdiyi daxili və xarici siyasətin əsas məqamları, müşahidə olunan abadlıq və quruculuq işlərindən danışıb. Bilik Fondunun mühazirəçisi tarixi məqamlara da toxunaraq bildirib ki, Ümummilli lider Heydər Əliyevin səyləri nəticəsində Azərbaycanda stabillik yaranıb, xalqın dövlətə inamı möhkəmlənib, vətəndaşın hüquq və azadlıqlarının təmin edilməsinə yol açılıb və bu yolun bu gün də uğurla davam etdirilməsi Azərbaycanın dünyanın nüfuzlu dövlətlərindən birinə çevrilməsinə səbəb olub.
Şamo Əliyev