Abşeron rayon İcra Hakimiyyəti Dünya Azərbaycanlılarının Həmrəylik Günü və Yeni il bayramında da fiziki qüsurlu, əlil insanları sevindirməyi diqqətdən qaçırmayıb.
Rayon icra hakimiyyətinin təşkilatçılığı ilə keçirilən tədbirdə 70-dən çox fiziki qüsurlu, əlil insanlar iştirak edib.
Bayram süfrəsində iştirak edən “İstedadlı Əlillər” İB-nin sədri Cavad Qasımov onlara olan dəstək və qayğıdan söz açaraq Abşeron RİH-in həyata keçirdiyi bu aksiyanın əsl vətəndaşlıq borcunun yerinə yetirilməsində layiqli bir nümunə olduğunu vurğulayıb. Hər bayramda olduğu kimi, Dünya Azərbaycanlılarının Həmrəylik Günü və Yeni il bayramında da onları yada saldığı üçün rayon rəhbəri İradə Gülməmmədovaya təşəkkürlərini bildirən C.Qasımov bunun bir ənənə halı aldığını və icra hakimiyyətinin bu cür sosial fəaliyyətlərinin təqdirə layiq hal olduğunu söyləyib.
Tədbirdə rayon icra hakimiyyətinin məsul işçisi Vüqar Bəşirov çıxış edərək ölkəmizdə əlillərə, o cümlədən xüsusi qayğıya ehtiyacı olan uşaqlara ölkə rəhbərliyi tərəfindən daim yüksək diqqət və qayğı göstərildiyini bildirərək, əlil uşaqların cəmiyyətə inteqrasiyasında, onların istedadının və yaradıcılıq qabiliyyətinin aşkara çıxarılmasında belə tədbirlərin əhəmiyyətini xüsusi vurğulayıb.
Daha sonra tədbir musiqi və rəqs çıxışları ilə davam etdirilib.