Abşeron rayonunun Mehdiabad qəsəbəsində YAP Abşeron rayon təşkilatının Qadınlar Şurasının üzvləri torpaqlarımızın azadlığı uğrunda canından keçmiş şəhidlərin ailə üzvləri, qəsəbədə yaşayan ahıl, tənha, aztəminatlı və əlilqadınlarla görüşüblər. Görüşdə YAP Abşeron rayon təşkilatının Qadınlar Şurasının sədri Təyyubə Hüseynova bildirib ki, vətənin bütövlüyü uğrunda öz canından keçmiş şəhid ailələrinə, həmçinin müharibə əlillərinə böyük diqqət və qayğı göstərilir. Bu gün Azərbaycan dövlətinin öz vətəndaşlarına göstərdiyi diqqət və qayğı bütün cəmiyyətimiz, o cümlədən müharibə əlilləri və şəhid ailələri tərəfindən məmnunluqla qarşılanır. Dövlət başçısı İlham Əliyevin rəhbərliyi ilə həyata keçirilən siyasətin əsas istiqamətlərindən birini müharibə veteranlarının, əlillərinin, şəhid ailələrinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edir. Prezident İlham Əliyev tərəfindən bu istiqamətdə imzalanan Fərman və sərəncamlar çoxsaylı ailələrə böyük sevinc bəxş etməklə yanaşı, təqdirəlayiq hal kimi qiymətləndirilir.
Bundan başqa, müharibə əlilləri, veteranları və şəhid ailələrinə göstərilən qayğı nümunəvi xarakter daşıyır. Müharibə əlilləri, veteranları və şəhid ailələrinin sosial ehtiyaclarının dövlət tərəfindən ödənilməsi, həmçinin Vətən uğrunda öz canından keçmiş şəhidlərin və Qarabağ müharibəsi əlillərinin övladlarının təhsil haqqından azad edilməsi, eyni zamanda, bu insanların mənzil və avtomobillərlə təmin olunması da çox müsbət haldır.
Daha sonra çıxış edənlər vurğulayıblar ki, bütün kateqoriyalardan olan qadınlara Abşeron rayonunda da həmişə diqqət və qayğı göstərilir. Abşeron rayon İcra Hakimiyyətinin başçısı İradə Gülməmmədova tərəfindən onların hüquqlarının qorunması, sosial müdafiəsinin gücləndirilməsi, güzəranlarının yaxşılaşdırılması istiqamətində mühüm işlər görülür, daim yaşayış şəraitlərilə maraqlanılır. Əmək qabiliyyətli qadınların məşğulluq problemləri həll olunur, xüsusi qayğıya ehtiyacı olanların, o cümlədən əmək qabiliyyətini itirən əlil və ahıl qadınların təqaüdləri vaxtlı-vaxtında verilir, onlara sosial yardımlar təyin olunur.
Abşeron rayon Xırdalan şəhər 17 saylı körpələr evi-uşaq bağçasının
müdiri Könül İbrahimova