Abşeron qəzetinin yeni sayı
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 
28-01-2019, 17:13 Oxunub: 318

"Azərbaycanda vətəndaşlara göstərilən qayğı dünya ölkələri üçün nümunədir"

"Azərbaycanda vətəndaşlara göstərilən qayğı dünya ölkələri üçün nümunədir"


“Bu gün Azərbaycan Prezidenti İlham Əliyevin və vitse-prezident Mehriban Əliyevanın şəhid ailələri ilə görüşü keçirildi. Ölkə başçısı şəhid ailələrinin qarşısında çıxış edərək Qarabağ müharibəsi veteranlarına, şəhid ailələrinə, müharibədən əziyyət çəkən vətəndaşlara dövlətimizin diqqət və qayğısından bəhs edərək, bu diqqətin gələcək dövrlərdə də davam edəcəyini vurğuladı. Ölkə başçısı görüş zamanı bildirdi ki, Azərbaycanın çox güclü hərbi potensialı, dünyada nüfuzu və artan imkanları sayəsində danışıqlar prosesində mövqelərimiz güclənir və Azərbaycan üçün ərazi bütövlüyünün bərpası ən vacib məsələdir”.

Onun sözlərinə görə, görüş zamanı Azərbaycan Prezidenti çıxışı zamanı bir daha bildirdi ki, beynəlxalq təşkilatlar tərəfindən münaqişə ilə bağlı imzalanan qətnamələr Azərbaycanın ərazi bütövlüyünə beynəlxalq dəstəyi təmin edir: “Son illər şəhid ailələrinə, müharibə əlillərinə göstərilən dövlət qayğısı haqqında məlumat verən dövlət başçısı məcburi köçkünlər üçün 100-dən çox qəsəbənin tikildiyini və bu prosesin bu ildə davam edəcəyini söylədi. Bundan əlavə şəhid ailələrinin mənzil və avtomobillə təmin olunması, 2018-ci ildə keçirilən prezident seçkilərindən sonra ilk fərmanın məhz şəhid ailələrinə həsr olunması, 10 mindən çox şəhid ailəsinə 11 min manat birdəfəlik ödəmənin verilməsi bir daha görüş iştirakçılarının diqqətinə çatdırıldı. Cənab prezident indiyədək 3 mindən çox şəhid ailəsinin bu vəsaiti aldığını bildirərək, vaxtilə müavinət almış ailələrlə əlaqədar araşdırmaların aparıldığını, onların aldığı vəsaitin bu günün məzənnəsi ilə uyğunsuzluq təşkil etdiyini nəzərə alaraq yeni fərman imzaladığını və bu sənədə əsasən 11 manat alacaq vətəndaşların sayının artdığını bildirdi”.

Görüş zamanı ölkə başçısının birdəfəlik ödəməni almaq üçün istifadə edilən kartların şəhid hərbi qulluqçuların vərəsələrinə təqdim etdiyini deyən F.Talıblı bildirib ki, daha sonra şəhid anası İbadət Əliyeva, şəhid atası Şirvan Nüsrətov, şəhid həyat yoldaşı Vərziyar Əliyeva və şəhid vərəsəsi Sevinc Quluzadə onlara göstərilən diqqət və qayğıya görə Prezident İlham Əliyevə və birinci xanım Mehriban Əliyevaya minnətdarlıqlarını bildiriblər: “Ölkə başçısı yekun nitqində hər zaman şəhid ailələrinin yanında olacağını və onlara diqqət və qayğının bundan sonra da təmin ediləcəyini söylədi”.

Prezident İlham Əliyev tərəfindən şəhid ailələrinə birdəfəlik ödəmə ilə bağlı imzalanan yeni fərmana gəlincə, mətbuat xidmətinin rəhbəri söyləyib ki, bu da həmin ailələrin sosial müdafiəsinin yaxşılaşdırılmasının dövlət başçısının uğurlu siyasətinin başlıca məqsədlərindən biri olduğunu bir daha təsdiq edib: “Ötən dövrdə 3100 şəhid hərbi qulluqçunun 4200-ə qədər vərəsəsinə birdəfəlik ödəmə həyata keçirilib, bu istiqamət üzrə 34 milyon manat vəsait ödənilib. Hazırda 6444 şəhidin vərəsələrinə ödənişlər davam etməkdədir. Cənab Prezidentin bu gün imzaladığı Fərmanla birdəfəlik ödəmənin əhatə dairəsi daha da genişlənib, Azərbaycan Respublikasının ərazi bütövlüyü uğrunda 1997-ci ilin avqust ayının 2-dək şəhid olmuş əlavə 2725 şəhidin (o cümlədən 11000 manatdan az sığorta ödənişi almış 2264 şəhid hərbi qulluqçunun və 461 şəhid polisin) vərəsələrinə də birdəfəlik ödəmənin verilməsi tapşırılıb. Yeni Fərmanla birdəfəlik ödəmənin verilməsi prosesi artıq 12268 şəhidin vərəsələrini əhatə edir və bu məqsədlər üçün ümumilikdə 135 milyon manat vəsait nəzərdə tutulur. Azərbaycan Respublikasının Prezidentinin mühüm sosial əhəmiyyət kəsb edən və şəhid ailələrinə böyük diqqət və qayğının növbəti təcəssümü olan 28 yanvar 2019-cu il tarixli Fərmanı yüksək səviyyədə icra ediləcək”.

F.Talıblı əlavə edib ki, Azərbaycanda ölkə başçısı tərəfindən aparılan uğurlu iqtisadi siyasət hər zaman sosial müdafiə tədbirlərinin gücləndirilməsi ilə nəticələnir: “Bu o deməkdir ki, Azərbaycanın imkanları nə qədər artırsa, sosial yönümlü tədbirlərin miqyası da artır. Ölkəmizdə həyata keçirilən sosial siyasət, vətəndaşlara göstərilən qayğı dünya ölkələri sırasında nümunə sayıla biləcək səviyyədədir. Dünyanın heç bir ölkəsində aztəminatlı ailələrə, həssas qruplara, müharibə əlillərinə, şəhid ailələrinə bu qədər diqqət göstərilmir. İndiyə qədər bu kateqoriyadan olan vətəndaşlara 6654 mənzil, 6144 avtomobil, ötən il isə şəhid ailələrinə 626 mənzil verilib. Bu il isə həmin vətəndaşlara azı 800 mənzilin təqdim olunması nəzərdə tutulur. Bundan başqa şəhid ailələrinə, milli qəhrəmanlara verilən prezident təqaüdünün məbləği mütəmadi artır, bu qəbildən olan insanların övladlarına aylıq sosial müavinətlərin verilməsi təmin olunur. Bütövlükdə şəhid ailələrinin sosial vəziyyəti ildən-ilə yaxşılaşır və dövlət başçısının bu sahədə həyata keçirdiyi tədbirlər ictimaiyyət tərəfindən böyük rəğbətlə qarşılanır. Bu gün keçirilən görüşdə çıxış edən şəhid ailələri Azərbaycan Prezidentinə və birinci vitse-prezidentə hər zaman onları diqqətdə saxladıqlarına görə təşəkkürlərini bildirdilər və hər zaman ölkə rəhbərliyinin yanında olduqlarını vurğuladılar”.
XƏBƏR LENTİ
Bu gün, 15:01 | Varikoz zamanı türkəçarə vasitələr – alma sirkəsi, zeytun yağı, sarımsaq…Bu gün, 14:59 | Prezident İlham Əliyev Belarus Təhlükəsizlik Şurasının dövlət katibini qəbul edibBu gün, 14:56 | Aİ və BMT İnkişaf Proqramı Azərbaycanda gender bərabərliyi sahəsində layihəni davam etdirirBu gün, 13:00 | Birinci vitse-prezident Mehriban Əliyeva: Hər iki dahi şəxsiyyətimizin - Üzeyir Hacıbəyli və Müslüm Maqomayevin xatirəsini dərin ehtiramla yad edirikBu gün, 12:54 | Təmas xəttində monitorinq insidentsiz başa çatıbBu gün, 12:54 | Təmas xəttində monitorinq insidentsiz başa çatıbBu gün, 09:56 | Bunlar da qaraciyəri zədələyir. Çox təəccüblənəcəksiniz!Bu gün, 09:55 | Azərbaycan və Gürcüstanın ikitərəfli əməkdaşlıq əlaqələri müzakirə olunubDünən, 14:53 | Azərbaycan Ordusunun keçirdiyi təlimlərdə xəritə üzərində tapşırıqlar icra olunurDünən, 14:52 | Təmas xəttində növbəti monitorinq keçiriləcəkDünən, 14:51 | Prezident İlham Əliyev Gürcüstanın İqtisadiyyat və Davamlı İnkişaf nazirini qəbul edibDünən, 10:49 | Azərbaycan Ordusunun keçirdiyi təlimlərdə xəritə üzərində tapşırıqlar icra olunurDünən, 09:55 | Karbondioksiddən maye yanacaq əldə edildiDünən, 09:54 | Təzyiq ölçə bilən ağıllı saat - Asus VivoWatch SPDünən, 09:52 | Robotlara ağrını hiss etmə qabiliyyəti verən elektron dəri hazırlandı16-09-2019, 15:16 | İradə Gülməmmədova Masazır məktəbində ilk dərs günündə iştirak edib - FOTO16-09-2019, 15:15 | İltihab, sonsuzluq, babasil zamanı kömək edən yarpaqlar. Faydalı reseptlər16-09-2019, 15:13 | Beyin qan dövranını yaxşılaşdırmağın 5 YOLU16-09-2019, 15:11 | Bakıda Azərbaycan-Türkiyə iqtisadi əməkdaşlığı üzrə Birgə Hökumətlərarası Komissiyanın iclası keçirilir16-09-2019, 15:10 | Prezident İlham Əliyev Türkiyənin Vitse-prezidentini qəbul edib16-09-2019, 14:06 | İradə Gülməmmədova BMU-da keçirilən Bilik günündə iştirak edib16-09-2019, 11:51 | Mədə qıcqırması. SƏBƏBLƏR və TƏBİİ ÇARƏLƏR