Cənub bölgəsinin tarixi və mədəniyyət abidələri, milli adət və ənənələri, zəngin mətbəxi, sosial-iqtisadi inkişafı və mənzərəli yerləri ilə tanışlıq bizdə zəngin təəssürat yaradıb. Abşerona məhz bu xoş təəssüratlarla qayıdırıq.
A.Ağayev daha sonra deyib: “Lənkəranda “Mayak” binası, “Xan sarayı”, Astarada “Yanar bulaq”, Masallıda tarix-diyarşünaslıq muzeyi ilə tanışlıq yaddaşımdan heç vaxt silinməyəcək. Bütün bunlar Azərbaycanın qədim tarixə və yüksək mədəniyyətə malik olduğunu bir daha sübut edir.
Biz bölgənin tarix və mədəniyyət abidələri, təbiəti, sosial-iqtisadi inkişafı ilə yaxından tanış olmaqla yanaşı, asudə vaxtlarda müxtəlif əyləncəli proqramlarda iştirak edirdik. Səyahətimiz çox mənalı keçdi. Tur-aksiyanın bütün təşkilatçılarına minnətdarlığımı bildirirəm”.