Abşeron rayonunun Qobustan kəndində “Heyvan və insanlar üçün ümumi olan xəstəliklər də daxil olmaqla xüsusi təhlükəli və digər yoluxucu xəstəliklərin baş verməsi və yayılmasının qarşısının alınması mövzusunda heyvandarlıqla məşğul olan sahibkarlarla marifləndirici tədbir keçirilib.Tədbirdə Abşeron rayon İcra Hakimiyyətinin sosial-iqtisadi inkişafın təhlili və proqnozlaşdırılması şöbəsinin baş məsləhətçi Qara Qurbanov, Azərbaycan Respublikası Qida Təhlükəsizliyi Agentliyinin Sumqayıt Regional bölməsinin rəisi Zaur Kərimov, Abşeron rayon Baytarlıq İdarəsinin rəisi Tahir Abdullayev, kəndin bələdiyyə sədri, icra nümayəndəsi və sahibkarlar iştirak ediblər
Zaur Kərimov, Qara Qurbanov, və Tahir Abdulov sahibkarların qarşılaşdıqları problemləri dinləyib, onların həlli yolları barədə fikir mübadiləsi aparıb, sahibkarları maraqlandıran suallara cavab veriblər. Bildirilib ki, sağlam mühitin formalaşdırılması üçün heyvan kəsimi standartlara uyğun şəkildə həyata keçirilməli və yalnız müəyyən laborator müayinələrdən sonra həmin məhsulların istehlakçılara çatdırılması təmin olunmalıdır.
Sahibkarların diqqətinə çatdırılıb ki, Qida Təhlükəsizliyi Agentliyi tərəfindən bu istiqamətdə fəaliyyət göstərən subyektlər üçün lazım olan bütün köməkliklər, maarifləndirmə və tövsiyə xarakterli yardımlar həyata keçiriləcəkdir.
Sonda sahibkarlar onları narahat edən məsələlər barədə danışaraq öz fikir və təkliflərini diqqətə çatdırıblar.