Abşeron Rayon İcra Hakimiyyətinin təşkilatçılığı ilə rayon ərazisində yerləşən “N” saylı hərbi hissədə 26 İyun - Silahlı Qüvvələri Günü münasibətilə tədbir keçirilib.
Bayram tədbirində əvvəlcə dövlət himni səsləndirilib, Azərbaycan ordusundan bəhs edən film nümayiş etdrilib.
Hərbi hissənin şəxsi heyətini rayon rəhbəri İradə Gülməmmədovanın adından bayram münasibətilə təbrik edən icra hakimiyyətinin əməkdaşı Hafiz Mikayılov Azərbaycan Respublikası Silahlı Qüvvələrinin inkişafı tarixində ulu öndər Heydər Əliyevin müstəsna xidmətlərindən danışıb. Qeyd olunub ki, ulu öndər Heydər Əliyevin 1998-ci il mayın 22-də imzaladığı Fərmana əsasən, artıq 20 ildir ki, 26 İyun – Silahlı Qüvvələr Günü Azərbaycanda ümumxalq bayramı kimi qeyd edilir.
Hərbi hissənin komandanlığı zabit, gizir və sıravi əsgərlərin adından yaddaqalan bir bayram tədbiri təşkil etdiyinə görə Abşeron Rayon İcra Hakimiyyətinə minnətdarlığını bildirib, ölkəmizdə ordu quruculuğu istiqamətində görülən işlərdən danışıb.
Çıxışlardan sonra rayon rəhbəri adından hərbi hissəyə xatirə hədiyyəsi təqdim edilib.
Tədbir konsert proqramı ilə davam edib. Vətənpərvərlik ruhunda səsləndirilən mahnılar hərbi hissənin əsgər və zabit heyəti tərəfindən böyük coşqu ilə qarşılanıb.