YAP Abşeron rayon təşkilatı Gənclər Birliyinin Abşeron rayon səhiyyə şöbəsində ərazi ilk partiya təşkilatının yaradılması ilə bağlı tədbir keçirilib.
Tədbirdə Abşeron rayon icra hakimiyyəti başçısının müavini Fuad Cəbrayılov, YAP Abşeron rayon təşkilatının sədri Bilman Vəliyev, Abşeron rayon səhiyyə şöbəsinin müdiri, Abşeron Mərkəzi Xəstəxanasının baş həkimi Mehriban Qaralova, Abşeron rayon Gənclər və İdman idarəsinin rəisi Əsgər Əmirəliyev, YAP Abşeron rayon təşkilatı Gənclər Birliyinin sədri Elnur Mirzəyev və gənclər iştirak ediblər.
İştirakçılar əvvəlcə Ulu Öndərin Xırdalan şəhərindəki Heydər Əliyev parkında ucalan abidəsini ziyarət edərək önünə gül dəstələri düzüblər.
Xırdalan şəhərində yerləşən Heydər Əliyev Mərkəzində baş tutan YAP Abşeron rayon təşkilatının sədri Bilman Vəliyev müstəqil Azərbaycanın qurulmasında Ümummilli lider Heydər Əliyevin əvəzsiz rolundan söz açıb, Prezident İlham Əliyev tərəfindən dövlətçilik strategiyasının uğurla davam etdirildiyini vurğulayıb. YAP ərazi ilk partiya təşkilatının yaradılması ilə bağlı təbriklərini çatdıran natiq təşkilata gələcək fəaliyyətində uğurlar arzulayıb.
Abşeron rayon icra hakimiyyəti başçısının müavini Fuad Cəbrayılov Ümummilli lider Heydər Əliyevin Azərbaycanın qurulması və dövlətçilik ənənələrinin qorunmasındakı xidmətlərindən danışıb. Həmçinin ulu öndərin yaradıcısı olduğu Yeni Azərbaycan Partiyasının ölkənin ictimai-siyasi həyatında aparıcı rol oynadığı qeyd edilib.
Toplantıda çıxış edən Abşeron rayon səhiyyə şöbəsinin müdiri, Abşeron Mərkəzi Xəstəxanasının baş həkimi Mehriban Qaralova ölkədə səhiyyə müəssisələrinin işində böyük addımların atıldığını, kadr hazırlığı prosesinə mühüm diqqət yetirildiyini qeyd edib.M.Qaralova YAP-ın ümummilli lider Heydər Əliyevin rəhbərliyi ilə ziyalılar tərəfindən qurulduğunu, məqsədinin xalqımıza, dövlətimizə xidmət etmək olduğunu vurğulayıb.
Abşeron rayon Gənclər və İdman idarəsinin rəisi Əsgər Əmirəliyev Yeni Azərbaycan Partiyasının yaranmasından və hakimiyyətə gəlmsindənə danışıb.
Rayon Mərkəzi Xəstəxanasının əməkdaşları Orxan Qasımov və Fərdi Ağayev YAP-ın dövlət müstəqilliyimizin möhkəmlənməsində, ölkəmizin inkişafında xidmətindən danışaraq, yeni yaradılan ərazi ilk partiya təşkilatının layiqli üzvü olacaqlarına söz veriblər.
YAP Abşeron rayon təşkilatı Gənclər Birliyinin sədri Elnur Mirzəyev bildirib ki, partiya Azərbaycan cəmiyyətinə siyasi mədəniyyət və demokratiya gətirib. O, YAP Abşeron rayon təşkilatı Gənclər Birliyinin Abşeron rayon səhiyyə şöbəsi ilə əlaqələrin inkişafında maraqlı olduğunu, birgə layihələr həyata keçirə biləcəklərini qeyd edib.
Tədbirdə təşkilatı məsələlərə baxılıb və İdarə Heyətinin sədri, üzvləri müəyyənləşib.
