Sərtləşdirilmiş xüsusi karantin rejimi tətbiq olunan şəhər və rayonlarda avqustun 31-dək həftəsonları ictimai nəqliyyat işləməyəcək.
Nazirlər Kabineti yanında Operativ Qərargahın məlumatına görə, sərtləşdirilmiş xüsusi karantin rejimi tətbiq olunan Bakı, Cəlilabad, Gəncə, Masallı, Mingəçevir, Sumqayıt, Yevlax şəhərlərində və Abşeron, Bərdə, Goranboy, Göygöl, Xaçmaz, Salyan rayonlarında aşağıdakı tarixlərdə bütün ictimai nəqliyyatın hərəkəti dayandırılacaq:
8 avqust saat 00:00-dan 10 avqust saat 06:00-dək;
15 avqust saat 00:00-dan 17 avqust saat 06:00-dək;
22 avqust saat 00:00-dan 24 avqust saat 06:00-dək;
29 avqust saat 00:00-dan 31 avqust saat 06:00-dək.
Qeyd edək ki, hazırkı sanitar-epidemioloji vəziyyətə uyğun olaraq, avqustun 5-dən etibarən sərt karantin rejiminin mövcud olduğu şəhər və rayonlarda, eləcə də ölkə üzrə bəzi yumşalmalar ediləcək. Belə ki, şəxslərin yaşayış yerini və olduğu yeri SMS icazə, xidməti vəsiqə, icaze.e-gov.az portalı vasitəsilə tərk etmək sistemi ləğv olunacaq, habelə çimərliklərdən istifadə etməyə icazə veriləcək.