Xırdalan şəhərində yerləşən Heydər Əliyev Mərkəzində keçirilən vətəndaşların növbəti qəbulunda Millət vəkili Şahin Seyidzadə İcra Hakimiyyətinin əməkdaşları ilə vətəndaşların müraciət və təkliflərini dinləyiblər.Fərdi qaydada və karantin rejiminin tələblərinə uyğun keçirilən qəbulda rayonun Saray, Ceyranbatan qəsəbələri və Novxanı kəndindən olan 13 vətəndaşın müraciəti dinlənilib, istək və problemləri ilə maraqlanılıb. Müraciətlərin əsas məzmunu infrasturktur, təhsil, idman torpaq, məşğulluq, sosial, mənzil əldə edilməsi və sair məsələlərlə əlaqədar olub.
Vətəndaşları narahat edən bəzi məsələlər müzakirə zamanı həllini tapıb. Araşdırılması tələb olunan məsələlərin hərtərəfli öyrənilməsi və qanunvericiliyin tələblərinə uyğun həll edilməsi üçün qəbuldan sonra müvafiq tapşırıqlar verilib. Həmçinin Millət vəkilinin səlahiyyətlərinə aid olan məsələlər həlli istiqamətində tədbirlərin görülməsi məqsədilə deputat Şahin Seyidzadə tərəfindən nəzarətə götürülüb.
Qəbula gələnlər onların müraciətlərinin dinlənilməsindən məmnunluqlarını ifadə edərək ölkədə və Abşeron rayonunda həyata keçirilən müxtəlif sosial layihələrə, abadlıq-quruculuq işlərinə, eləcə də sosial həssas ailələrə göstərilən diqqət və qayğıya görə möhtərəm cənab Prezident İlham Əliyevə və Birinci Vitse-Prezident hörmətli Mehriban xanım Əliyevaya sonsuz minnətdarlıqlarını bildiriblər.