Abşeron rayonunda bir baş idarə kimi Mərkəzi Rayon Xəstəxanası, 2 qəsəbə xəstəxanası, 2 poliklinika, 11 həkim məntəqəsi, 2 tibb məntəqəsi, Mərkəzi Rayon Xəstəxanası nəzdində fəaliyyət göstərən təcili və təxirəsalınmaz yardım şöbəsi əhaliyə Səhiyyə xidməti göstərir.
Mərkəzi Rayon Xəstəxanasının binası əvvəl bir uşaq bağçası kimi fəaliyyət göstərmişdir və əsaslı təmir olunaraq 1983-cü ildən 60 çarpayılıq uşaq infeksion xəstəxanası kimi istifadəyə verilmişdir. Bina 2 dəfə əsaslı təmir olunmuşdur. 2006-cı ildən 2008-ci ilin avqust ayına kimi xəstəxana binası Rayon Rəhbəri Cənab Zakir Fərəcovun göstərişi əsasında rekonstruksiya və əsaslı təmir olunaraq 80 çarpayılıq Mərkəzi Rayon Xəstəxanası kimi əhalinin istifadəsinə verilmişdir. Bina 2 mərtəbəli və birmərtəbəli korpusdan və birmərtəbəli əlavə korpusdan ibarətdir. Hazırda 85 çarpayılıq xəstəxanada 25 doğum, 20 pediatriya, 20 cərrahiyyə, 5 terapiya, 5 ginekoloji, 5 qulaq-burun-boğaz, 5 reanimasiya çarpayıları fəaliyyət göstərir.
2012-ci ilin may ayında Pespublika Prezidenti İlham Əliyev cənablarının çoxprofilli Mərkəzi Xəstəxananın tikintisinə ayırdığı vəsait hesabına binanın özülü qoyulmağa başlanmışdır. Binanın tikintisinin başa çatması 2015-ci ilə planlaşdırılır. 135 çarpayılıq 3 mərtəbəli zirzəmili Mərkəzi Xəstəxanada poliklinika şöbəsi, dializ şöbəsi patoloqo-anatomik şöbə, ginekologiya, doğuş, hamiləliyin patologiyası şöbəsi, cərrahiyyə, terapiya, pediatriya, şua diaqnostikası, laboratoriya şöbələrinin olması planlaşdırılır.
Bundan başqa birmərtəbəli Gigiyena və Epidemiologiya Mərkəzi üçün bina, camaşıirxana, mətbəx, elektrik yarımstansiyası, yeraltı su rezervuarları üçün tikililər planlaşdırılır.
Abşeron rayon Poliklinikası eyni tipli layihə əsasında tikilmiş, növbədə 375 gəlişə nəzərdə tutulmuş 2 mərtəbəli 1 korpusdan ibarətdir. 1973-cü ildə tikilmişdir. Terapiya, stomatologiya, fizioterapiya şöbələri, şüa diaqnostika kabinetləri, məhdud ixtisaslı həkimlər və yardımcı kabinetlər fəaliyyət göstərir. 2004-cü ildə əsaslı təmir olunmuşdur.
Uşaq poliklinikası bir mərtəbəli süd mətbəxi üçün nəzərdə tutularaq tikilmiş uyğunlaşdırılmış binada yerləşir. Növbədə 200 gəlişə nəzərdə tutulub, cari təmir edilib. Pediatriya, profilaktika şöbələri, məhdud ixtisaslı həkimlər, fizioterapiya və yardımcı kabinetlər fəaliyyət göstərir.
Təcili yardım şöbəsi 2 mərtəbəli yaşayış binasının 1-ci mərtəbisində arendaya əsasən yerləşdirilmışdir . Bina 1952-ci ildə tikilib . 2006-ci ildə Cənab Zakir fərəcovun göstərişinə uyğun olaraq əsaslı təmir olunaraq əlavə 2 sanitar avtomobili ilə və yeni avadanlıqlarla təmin edilərək istifadəyə verilmişdir.
Baş Redaktor: Şamo Əliyev
