Xırdalanda “İctimai şuralar və ictimayi nəzarətin təşviqi” lahiyəsi üzrə tədbir keçirilib. Abşeron Rayon İcra Hakimiyyətinin, Azərbaycan Milli QHT Forumunun və rayon Təhsil Şöbəsinin birgə təşkilatçılığı ilə keçirilən tədbirdə rayon ictimayyətinin nümayəndələri, təhsil işçiləri və KİV əməkdaşları iştirak ediblər. Yığıncağı Abşeron RİH-nin şöbə müdirinin müavini - Dini qurumlarla işin təşkilatçısı Vüqar Bəşirov açaraq sözügedən lahiyə barədə məlumat verib.
Sonra Milli QHT Forumunun prezidenti Rauf Zeyni Azərbaaycan qanunvericiliyindən danışaraq bildirrib ki, ictimai nəzarət demokratiyanın həyata keçirilməsinin bir forması, geniş kütlələrin cəmiyyətin və dövlətin idarə olunmasına cəlb edilməsi üsuludur. Onun sözlərinə görə, bu baxımdan ictimai nəzarət prosesində vətəndaş cəmiyyəti, əsasən də QHT sektorunun və ictimai mühitin yeniləşməsində rolu, yeri və mövqeyi də önəmlidir. Hansı ki, daxili resursları olan, özəl keyfiyyətləri inkişaf etmiş, fəal həyat mövqeyi tutan passionar insanları təşkilatlandırmaq vətəndaş cəmiyyətinin ən aktiv vəzifəsidir. “Cəmiyyətin demokratikləşməsi, yeni kreativ, yaradıcı, intellektualların müxtəlif təşkilatlarda aktivliyi labüddür”.
Müzakirələrdə vətəndaş cəmiyyəti institutları ilə əməkdaşlığın genişləndirilməsi, vətəndaşlarla dövlət qurumları arasında əlaqələrin inkişafında, ictimai nəzarətin təşkilində QHT-lərin rolunun artırılmasının əhəmiyyəti vurğulanıb.