Tədbirdə YAP Abşeron rayon təşkilatı Gənclər Birliyinin sədri Elgün Hümbətov Abşeron rayon Poçt Filialının ərazi təşkilatının iclasının gündəliyi ilə iştirakçıları tanış edib. O, YAP-ın sədri, Azərbaycan Respublikasının Prezidenti İlham Əliyev cənablarının ideyalarının yerlərdə tətbiqinə daim xidmət göstərildiyini və bundan sonra da layiqincə davamlı olaraq reallaşdıracaqlarını deyib.
E.Hümbətov Yeni Azərbaycan Partiyasının son illər Azərbaycanda uğurla həyata keçirilən işlərindən, xüsusilə də gənclər siyasətinin inkişafı istiqamətində görülmüş işlərdən, sosial-iqtisadi, elmi-mədəni sahələrdə gənclərin irəliləməsi üçün yaradılmış şəraitdən danışıb. Çıxışında Yeni Azərbaycan Partiyasının sədri, Prezident İlham Əliyevin həyata keçirdiyi uğurlu siyasət nəticəsində gənclərin və ən əsas da gənc rabitəcilərin partiyada sayının günü-gündən artdığının inkişafa dəstəyin bariz nümunəsi olduğu xüsusi vurğulanıb.
Sonra YAP Abşeron rayon Poçt Filialı ilk ərazi təşkilatının sədri Nəsib Kərimov 2014-2016-ci illər hesabat-seçki dövründə görülən işlər barədə məruzə ilə çıxış etdi. YAP Abşeron rayon Poçt Filialı ilk ərazi təşkilatının sədri vəzifəsinə yenidən Nəsib Kərimov seçildi. Daha sonra Abşeron rayon Poçt Filialı ilk ərazi gənclər təşkilatının və ərazi qadınlar təşkilatının sədrləri və YAP Abşeron rayon təşkilatının X konfransına nümayəndələr seçilib.
Şamo Əliyev