Abşeron Rayon İcra Hakimiyyətinin dəstəyi və təşkilatcılığı ilə uşaqlar üçün yeni il şənliyi keçirilmişdir.
Rayon rəhbəri təyin olunduğu gündən cənab Zakir Fərəcov gələcəyimiz olan uşaqlara qayğı ilə yanaşmış ,onların xoşbəxt həyat sürmələri üçün əlindən gələni əsirgəməmişdir.Ulu öndərimizin layiqli davamçısı hörmətli prezidentimiz İlham Əliyev cənabları,eləcə də Heydər Əliyev fondunun prezidenti Mehriban xanım Əliyeva uşaqların gözəl yaşaması,təhsil alması,sağlam həyat sürmələri üçün demək olar ki,ölkəmizin bütün regionlarında,həmcinin Abşeronumuzda hər cür şəraiti olan bağçalar,məktəblər,idman kompleksləri tikdirmişlər. Bu gün də yenidən Abşeron Rayon İcra Hakimiyyətinin dəstəyi və təşkilatcılığının davamı olaraq uşaqlar üçün rayon mədəniyyət mərkəzində yeni il şənliyi təşkil edilib. 100-dən çox balaca fidanların qatıldığı şənlik, Şaxtababa və Qarqızın iştirakı ilə daha da rəngarəngliyi ilə seçildi.Musiqi sədaları altında uşaqlar Qarqız və Şaxtababa ilə rəqs etdilər.Daha sonra balaca fidanlar onlar üçün təşkil edilmiş tamaşanı izləmək üçün səhnə önündə öz yerlərini aldılar.Sonda uşaqlara rayon rəhbərliyi tərəfindən alınmış bayram hədiyələri verildi.
Məktəblilərin qış tətili günlərində də, Abşeron Rayon İcra Hakimiyyətinin təşkilatcılığı və dəstəyi ilə uşaqlar üçün təşkil edilmiş yeni il şənlikləri rayon mədəniyyət evində davam edəcək.
Yeni il yeni arzularla,yeni ümidlərlə həyatımiza qədəm qoyur.Qoy bu il hərbirinizə sevinc,uğur gətirsin.
