Abşeron qəzetinin yeni sayı
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
8-05-2018, 20:55 Oxunub: 352

XİN: İtaliya vətəndaşlarının Qarabağa səfərinin qarşısını almalıdır

XİN: İtaliya vətəndaşlarının Qarabağa səfərinin qarşısını almalıdır


Mayın 8-də Azərbaycan Respublikasının və İtaliya Respublikasının Xarici İşlər nazirlikləri arasında ikinci konsulluq məsləhətləşmələri keçirilib.

Xarici İşlər Nazirliyindən verilən məlumata görə, İtaliya nümayəndə heyətinin əvvəlcə Azərbaycan Respublikasının Xarici İşlər Nazirinin müavini, səfir Nadir Hüseynov ilə görüşü olub. Söhbət zamanı ölkələrimiz arasında siyasi, iqtisadi, energetika və digər sahələrdə uğurla inkişaf edən münasibətlərimiz müzakirə edilib.

Daha sonra ölkələrimiz arasında diplomatik əlaqələrin yaradılmasının 26-cı ildönümünün qeyd edildiyi əlamətdar gündə keçirilən konsulluq məsləhətləşmələri açıq elan edilib.

Məsləhətləşmələrdə Azərbaycan nümayəndə heyətinə Azərbaycan Respublikası Xarici İşlər Nazirliyinin Konsulluq İdarəsinin rəisi, səfir Faiq Bağırov, İtaliya nümayəndə heyətinə isə İtaliya Respublikası Xarici İşlər və Beynəlxalq Əməkdaşlıq Nazirliyinin Xaricdə yaşayan İtalyanlar və Miqrasiya Siyasəti İdarəsinin rəisi, Səlahiyyətli Nazir Luigi Vignali rəhbərlik edib. Görüşdə, həmçinin İtaliya Respublikasının Azərbaycan Respublikasındakı səfiri və nümayəndə heyəti, eləcə də Azərbaycan Respublikasının Daxili İşlər Nazirliyi, Təhsil Nazirliyi, Dövlət Miqrasiya Xidməti və Dövlət Sərhəd Xidmətinin nümayəndələri iştirak ediblər.

Konsulluq məsləhətləşmələri zamanı Azərbaycan üçün mühüm tərəfdaş ölkə olan İtaliya ilə konsulluq sahəsində əməkdaşlığın cari vəziyyəti və inkişaf perspektivləri, o cümlədən yeni sazişlərin imzalanması imkanları nəzərdən keçirilib.

Konsulluq sahəsini tənzimləyən milli qanunvericilikdə həyata keçirilmiş son dəyişikliklər barədə məlumat mübadiləsi aparan tərəflər, həmçinin İtaliya və Azərbaycan arasında təhsil sahəsində əlaqələrin gücləndirilməsinin və bu məqsədlə vətəndaşların hüquq və vəzifələrinin həyata keçirilməsi istiqamətində dolğun və düzgün məlumatlandırılmasının vacibliyini vurğulayıblar.

Səfir Faiq Bağırov Ermənistan-Azərbaycan, Dağlıq Qarabağ münaqişəsinin həlli üzrə aparılan danışıqlar prosesi barədə danışıb, münaqişənin BMT Təhlükəsizlik Şurasının qətnamələrinin tələbləri əsasında və Azərbaycanın beynəlxalq səviyyədə tanınmış sərhədləri daxilində ərazi bütövlüyü və suverenliyi çərçivəsində həll edilməli olduğunu diqqətə çatdırıb. Həmçinin Azərbaycan Respublikasının Ermənistan Respublikası tərəfindən işğal olunmuş ərazilərinə Azərbaycan Hökumətinin razılığı olmadan icazəsiz səfərlərin və qeyri-qanuni iqtisadi və digər növ fəaliyyətlərin qarşısının alınması üçün İtaliya Respublikası səlahiyyətli dövlət orqanları tərəfindən zəruri tədbirlərin görülməsi ilə bağlı müzakirələr aparılıb.

Səfir Faiq Bağırov, həmçinin beynəlxalq təşkilatlar müstəvisində əməkdaşlıq çərçivəsində Azərbaycanın “Ekspo 2025”ə ev sahibliyi etmək üçün müraciət etməsi barədə İtaliya tərəfində məlumat verib.
XƏBƏR LENTİ
Dünən, 18:47 | Abşeronda “Ölkəmizi tanıyaq” tur-aksiyasında iştirak edəcək məktəblilərlə görüş keçirilibDünən, 15:48 | Prezident İlham Əliyev Sumqayıt Dəmir Yolu Vağzalı Kompleksinin açılışında iştirak edibDünən, 15:41 | Prezident İlham Əliyev Sumqayıt şəhərinə səfərə gəlibDünən, 15:35 | Prezident İlham Əliyev: "Gənclər siyasəti sosial siyasət kursumuzun və insan kapitalının inkişafı prosesinin əsas istiqamətlərindən biridir"Dünən, 11:23 | İlham Əliyev Belarusun Azərbaycandakı səfirini qəbul edibDünən, 11:15 | Abşeron idmançısı ABŞ-da dünya çempionu oldu (Video+Foto)Dünən, 10:38 | Nazirin rəhbərliyi ilə nümayəndə heyəti VII Beynəlxalq Sankt-Peterburq Mədəniyyət ForumundaDünən, 10:36 | KXDR ən müasir yüksəktexnologiyalı silahı sınaqdan keçirib15-11-2018, 21:22 | Abşeron idmançıları dünya çempionatından qızıl medalla qayıtdılar15-11-2018, 18:12 | Xırdalan şəhər 3 saylı uşaq bağçasında "Açıq məşğələ" keçirildi15-11-2018, 18:03 | Xırdalanda “Fərqli dil, fərqli bir ruh” adlı seminar keçirilib.15-11-2018, 17:57 | Xırdalan bağçasında “Fövqəladə hallar zamanı davranış və yanğın təhlükəsizliyi qaydaları” mövzusunda maarifləndirmə tədbiri keçirildi15-11-2018, 15:35 | Prezident İlham Əliyev Bakıya yeni icra başçısı təyin etdi15-11-2018, 15:30 | Prezident İlham Əliyev: Ölkəmizdə aparılan idman siyasəti Azərbaycanın ictimai həyatında böyük rol oynayır15-11-2018, 15:20 | Səfir: Azərbaycan "Bir kəmər - Bir yol" layihəsi çərçivəsində Şərqi Avropa üçün ən cəlbedici ölkədir15-11-2018, 15:12 | Prezident İlham Əliyev Təzəpir məscidinin ətrafında görülən abadlıq-quruculuq işlərinin icra vəziyyəti ilə tanış olub15-11-2018, 11:21 | 6G-da sürət 1 TB/s-yə yaxınlaşacaq15-11-2018, 11:21 | "Nokia" 21 gün enerji saxlayan yeni telefonunu təqdim edib15-11-2018, 11:19 | Intel 5G modemini təqdim edib14-11-2018, 14:51 | Xırdalanın 27-ci məhəlləsində bir gündə 300-ə yaxın ağac əkildi14-11-2018, 14:23 | Xırdalanda dövlət rəmzlərini təbliğ edən tədbir keçirilib (FOTO)14-11-2018, 10:02 | Prezident İlham Əliyev Slovakiyanın Baş naziri ilə görüşüb