Ön xətdə yerləşən “N” hərbi hissəsində Müdafiə Nazirliyinin və “Beynəlxalq Əlillər Cəmiyyəti” İctimai Birliyinin birgə təşkilatçılığı ilə tədbir keçirilib.
Nazirliyin “Beynəlxalq Əlillər Cəmiyyəti” İctimai Birliyinin, Tərtər Rayon İcra Hakimiyyətinin nümayəndələrinin və hərbi hissənin şəxsi heyətinin iştirakı ilə keçirilən tədbirdə əvvəlcə ümummilli lider Heydər Əliyevin, eləcə də Vətənimizin müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib, dövlət himni səsləndirilib.
Nazirliyin nümayəndələri çıxışlarında xüsusi vurğulayıblar ki, ordu və cəmiyyət həmişə bir-birini tamamlayıb. Xalq orduya güvənir, ordu xalqa arxalanır.
İctimai Birliyin təmsilçiləri Azərbaycanın regionda ən güclü orduya malik olması ilə qürur duyduqlarını bildirib, Silahlı Qüvvələrimizə sonsuz inamdan danışıblar. Qeyd edilib ki, əlillik insanın hərəkətini məhdudlaşdırsa da, bu, onların Vətəni sonsuz məhəbbətlə sevmələrinə mane ola bilməz.
Sonra tədbir konsert proqramı ilə davam edib.
Hərbi hissənin rəhbərliyi adından tədbirin təşkilatçılarına fəxri fərmanlar təqdim edilib.
Sonda qonaqlar əsgər süfrəsinə dəvət olunublar.