Absheron Media
Haqqımızda Bizimlə əlaqə

"Azərbaycanın indiki inkişaf səviyyəsinə gəlib çıxması Prezident İlham Əliyevin planetar təfəkkürünün, geniş və yorulmaz fəaliyyətinin nəticəsidir" - Musa Qasımlı

Tarix:15-10-2018, 13:15

"Azərbaycanın indiki inkişaf səviyyəsinə gəlib çıxması Prezident İlham Əliyevin planetar təfəkkürünün, geniş və yorulmaz fəaliyyətinin nəticəsidir" - Musa Qasımlı


2003-cü ildə keçirilən prezident seçkilərində qələbə qazanan cənab İlham Əliyevin hakimiyyətə gəlməsi ilə müasir Azərbaycan dövlətçiliyi tarixində yeni keyfiyyət mərhələsi başladı.

M.Qasımlı qeyd edib ki, ötən 15 il Azərbaycanın daxili ictimai-siyasi, iqtisadi, mədəni həyatı və xarici siyasəti bir sıra özünəməxsusluqlarla və tariximizdə yaradılan bir sıra ilklərlə əlamətdar olub: "2003-cü ildən sonrakı illər Azərbaycanın inkişafında varisliyin, böyük dövlət və siyasət adamı, ulu öndər Heydər Əliyevin müəyyənləşdirdiyi strateji xəttin davam etdirilməsi, ölkəmizin müasirləşməsi, çağdaşlaşması, onun tərkib hissəsi kimi modernləşməsi illəridir. Hakimiyyətə gəldikdən sonra Azərbaycan Respublikasının Prezidenti ölkənin müasirləşdirilməsini bir vəzifə olaraq qarşıya qoydu. Məlum olduğu kimi, uzun tarix boyu mövcud olmuş xalqların və ölkələrin bir çoxu məhz zamanla ayaqlaşa, ona uyğunlaşa bilmədikləri üçün hazırda dünyanın siyasi səhnəsində mövcud deyillər. Zamanla ayaqlaşmayan, dövrün şərtlərinə uymayan və özü yaşayış şərtlərini irəli sürməyən xalqların çoxu hazırda söz sahibi deyillər. Zaman-zaman onların bəziləri həm dünyada gedən müasirləşmə proseslərinə uyğunlaşmadıqları üçün, həm də xarici güclərin təsiri altında zəifləyiblər, bəziləri isə dağılıblar".

Onun sözlərinə görə, ötən 15 il tarix baxımından qısa olsa da, inkişaf və həyata keçirilən islahatlar baxımından bir sıra ölkələrin keçdikləri yüz illərə bərabərdir: "Bunu dərk etmək üçün hər şeydən əvvəl Azərbaycanın daxili həyatında baş verən əsaslı dəyişikliklərə müqayisəli nəzər yetirmək faydalı olardı. Belə ki, bir zamanlar Azərbaycan qaz təchizatı sarıdan digər ölkələrdən asılı vəziyyətdə idi. Həmin dövlətlər istədikləri vaxt Azərbaycana satdıqları qazı dayandırar və bundan siyasi təzyiq vasitəsi kimi istifadə etməyə çalışardılar. Ötən müddət ərzində Azərbaycanda yürüdülən siyasət nəticəsində bu vəziyyətə son qoyulub. Ərazisi baxımından kiçik, əhalisinin sayına görə bir çox ölkələrdən az olmasına baxmayaraq, Azərbaycan Respublikasının ölkənin qaz təchizatını nəinki təmin edən, eyni zamanda Avropa ölkələrinin tələbatının ödənilməsində mühüm rol oynayan bir ölkəyə çevrilib".

M.Qasımlı bildirib ki, Bakı-Tbilisi-Ceyhan əsas ixrac neft, Bakı-Tbilisi-Ərzurum qaz boru kəmərləri təkcə iqtisadi deyil, böyük siyasi və strateji əhəmiyyət daşıyan, Azərbaycanın müstəqilliyinin möhkəmləndirilməsində mühüm rol oynayan kəmərlərdir: "Cənub Qaz Dəhlizi Azərbaycanın rolunu artıran böyük bir layihədir. Böyük İpək yolu, Şərq-Qərb və ya Bakı-Tbilisi-Qars və Şimal-Cənub dəmir yolları Azərbaycanı yenidən dünyanın tranzit, nəqliyyat və ticarət mərkəzlərindən biri halına gətirir. Azərbaycan Fars körfəzindən başlayaraq Fin körfəzinə qədər ərazidə dəmir yolu vasitəsilə hərəkət edə bilir, tranzit funksiyasını yerinə yetirir. Azərbaycan artıq nəqliyyat təhlükəsizliyini təmin edən bir ölkədir. Bu yollar ölkənin qüdrətini artırır, beynəlxalq mövqelərini möhkəmləndirir, özü ilə bərabər yeni iş yerlərinin açılmasını və vətəndaşların həyat şəraitinin daha da yaxşılaşdırılmasını gətirir. Bir zamanlar Azərbaycan qonşu və bəzi uzaq ölkələrin ucuz kənd təsərrüfatı malları üçün əlverişli satış bazarına çevrilmişdi. Heç şübhəsiz, dünya ölkələri ticarətsiz inkişaf edə bilməz. Dövlətin qüdrətini müəyyənləşdirən amillərdən biri xalqın ticarəti bacarıb-bacarmamasıdır. Ötən illər ərzində Azərbaycan uğurlu xarici ticarət siyasəti həyata keçirərək nəinki ərzaq təhlükəsizliyinin təmin edilməsi sahəsində ciddi addımlar atan bir ölkəyə çevrilib, eyni zamanda xarici ölkələrə kənd təsərrüfatı məhsulları ixrac edir. Azərbaycan ənənəvi bazarlardan başqa yeni bazarlarda da yer tutub".

Millət vəkili vurğulayıb ki, Cənubi Qafqaz iqtisadiyyatının təqribən 75 faizi Azərbaycanın payına düşür: "Azərbaycan iqtisadiyyatının neftdən asılılığının azalmasına yönələn siyasət genişləndirilib. Turizm, kənd təsərrüfatı, yeni texnologiyaların tətbiqi, nəqliyyat və başqa sahələrdə mühüm işlər görülüb. Ərazisinin 20 faizinin Ermənistanın işğalı altında olmasına baxmayaraq, Azərbaycan tikinti-quruculuq meydanına çevrilib. Başqa hər hansı bir ölkə belə vəziyyətdə olsaydı, o, bərbad hala düşərdi. Ölkədə geniş inşaat işləri aparılıb, yeni iş yerləri açılıb, qaçqın və məcburi köçkünlər üçün evlər tikilib, şəhərciklər salınıb. Ötən illər ərzində Azərbaycan borc alan ölkədən borc verən, kapital ixrac edən ölkəyə çevrilib. Azərbaycan dövləti ölkəni xarici hərbi müdaxilədən qorumaq qabiliyyətində olan güclü ordu və müasir hərbi-sənaye kompleksi yaradıb. Azərbaycan Ordusu dünyanın 50 güclü ordusu sırasındadır. Azərbaycan beynəlxalq silah sərgilərində özünəməxsus yer tutur".

Professor deyib ki, Azərbaycanda ictimai həyatın bütün sahələrində geniş islahatlar həyata keçirilib: "Vətəndaşın daha yaxşı yaşayışını təmin etməyə yönələn qanunlar qəbul edilib və reallaşdırılıb. Sosial dövlətin qurulması üçün qısa müddətdə başlanan islahatlar dərinləşdirilib. Bərabər imkanların yaradılması üçün ciddi tədbirlər həyata keçirilib. Xalqın həyat şəraiti daim yaxşılaşır. Azərbaycan yoxsullar ölkəsindən imkanlılar ölkəsinə çevrilib. Xalqın milli ruhu yüksəlib və özünəinamı artıb. Xalqla dövlət arasında birlik, hakimiyyətin qanadları arasında səmərəli əməkdaşlıq qurulub.Ölkədə təbii sabitlik hökm sürür".

M.Qasımlı bildirib ki, demokratikləşmə, vətəndaş cəmiyyətinin qurulması məqsədilə geniş islahatlar həyata keçirilir: "Çoxpartiyalı sistemin əsasları möhkəmləndirilib. Azad mətbuat formalaşıb. Azərbaycan bütün postsovet məkanında islahatların ən geniş və uğurla aparıldığı bir ölkədir. Beynəlxalq aləmdə Azərbaycan dövlətinin nüfuzu və təsiri genişlənib, ona maraq göstərən, əlaqələr qurmaq istəyən dövlətlərin sayı artıb, dostları çoxalıb. Ötən illər göstərdi ki, Azərbaycan sözü ilə işi bir olan, ləyaqətli bir dövlətdir".

Tarixçi qeyd edib ki, ötən illər ərzində cənab İlham Əliyev möcüzə yaradıb, dünyaya yeni bir model verib: "Bu, Azərbaycan modelidir. Sual olunur: bəs bütün bunlara necə nail olunub? Axı Azərbaycanın coğrafiyası, təbii sərvətləri və insanı əvvəlki illərdəki kimi idi. Heç şübhəsiz, bütün bunlar göydəndüşmə, birdən-birə olmayıb. İndiki vəziyyətə gətirən yol asan və rahat olmayıb, ona nail olmaq üçün böyük səylər sərf edilib. Bu səviyyəyə yalnız təbii sərvətlərin hesabına deyil, onların milli sərvətə çevrilməsi və səmərəli istifadə edilməsi nəticəsində nail olunub. Bunlar isə bilavasitə dövlət idarəçiliyi ilə bağlı məsələlərdir. Ölkənin indiki inkişaf səviyyəsinə gəlib çıxması Azərbaycan Respublikasının Prezidenti İlham Əliyevin planetar təfəkkürünün, geniş və yorulmaz fəaliyyətinin, ona məxsus olan yaradıcı iş üslubunun nəticəsidir. İlham Əliyevin fəaliyyəti göstərir ki, o, milli-mənəvi köklərə dayanaraq ölkəsinin müasir dünya ilə ayaqlaşması üçün ən səmərəli və faydalı tədbirləri düşünən və həyata keçirən yenilikçi, dərin islahatçı dövlət xadimidir. Ölkə həyatının inkişafdan geri qalan, onunla ayaqlaşmayan sahələrinin olduğunu təkcə mükəmməl deyil, eyni zamanda onların inkişaf yollarını, problemlərin həlli üsullarını dəqiqliklə bilən İlham Əliyevin yürütdüyü siyasət nəticəsində Azərbaycanı rəqabətə davamlı bir ölkəyə çevrilib".

Deputatın sözlərinə görə, ötən illərin təcrübəsi göstərir ki, daxili siyasət sahəsində Azərbaycan Prezidentinin başlıca məqsədlərindən biri xalqının daha yaxşı yaşaması üçün bərabər imkanlar yaratmaqdır: "Dövlət başçısının verdiyi göstərişlərin və apardığı islahatların başlıca məqsədi xalqın daha yaxşı yaşaması, dövlətin güclü olması niyyətlərini güdür. Tələbkarlıq, ciddiyyət və qayğıkeşlik Azərbaycan Prezidentinin iş üslübunun tərkib hissələrindən biridir. Dövlət rəhbəri məmurlara qarşı nə qədər tələbkar və ciddidirsə, sadə xalqa münasibətdə bir o qədər sadə və təvazökardır. O, əsl xalq adamıdır. Qurucu Prezident olan İlham Əliyevin başlıca məqsədlərindən biri böyük Azərbaycanı inkişaf etmiş ölkələr cərgəsinə çıxarmaqdır. Məhz onun hakimiyyəti illərində Azərbaycan dövləti kosmos klubunun üzvü olub. Prezidentin siyasəti nəticəsində Azərbaycan dövləti özündən böyük olan qonşu dövlətlərə təsir edən bir güc halına gəlib. Bir çox dövlətlər məhz Azərbaycanla yaxınlaşaraq özlərinin bir sıra problemlərini həll etməkdə maraqlıdırlar".

AMEA-nın müxbir üzvü əlavə edib ki, Prezident İlham Əliyevin hakimiyyətinin ilk 15 ilində qədim və zəngin Azərbaycan mədəniyyətinə yeni bir nəfəs gəlib: "Azərbaycan maddi və qeyri-maddi irsinin bəzi nümunələri YUNESKO-nun irs siyahısına daxil edilib. Azərbaycan Prezidenti xalqının dünya mədəniyyəti yaradan bir xalq olduğunu bir daha sübut edərək ona böyük imkanlar yaradıb. Bu illər Azərbaycan mədəni irsinin qorunması və mədəniyyətinin çiçəklənməsi illəridir".

Azərbaycan Prezidentinin mövqeyi açıq və siyasəti çevik olan bir dövlət xadimi olduğunu bildirən M.Qasımlı qeyd edib ki, o, ölkəsini digər dövlətlər üçün qarşıdurmalar, intriqalar deyil, əməkdaşlıq meydanına çevirib, bununla da bir-biri ilə əsrlər boyu didişən ölkələri yenidən bir araya gətirib: "Azərbaycan rəhbəri ölkəsinin müttəfiqləri üçün problem yaratmayaraq, onları başqaları ilə üzbəüz qoymayaraq digər qonşu ölkələrə bir nümunə verib. Yorulmazlıq Azərbaycanın dövlət rəhbərinə xas olan başlıca keyfiyyətlərdən biridir. Azərbaycan Prezidentinin dəfələrlə Bakıda beynəlxalq tədbirdə iştirak etdikdən və nitq söylədikdən sonra rayonlara səfər etməsinin, yeni sənaye, kənd təsərrüfatı, təhsil, səhiyyə, mədəniyyət müəssisələrini açmasının, xalqla görüşlərinin şahidi olmuşuq. Ana dilinə qayğı Azərbaycan Prezidentinin fəaliyyət sahələrindən biri kimi əhəmiyyətlidir. Azərbaycan Prezidenti ölkəmizin və millətimizin birliyinin rəmzi olan dinimizə xüsusi qayğı göstərməsi rəğbətlə qarşılanır. Dinimizə və dini adət-ənənələrimizə qayğı dövlət rəhbərinin fəaliyyətinin mühüm sahələrindən biridir. Din və dövlət işlərini qarışdırmadan onlar arasında qızıl ortanı müəyyənləşdirərək hər ikisini inkişaf etdirmək Azərbaycan Prezidentinin böyük uğurlarından biridir".

Prezident İlham Əliyevin Azərbaycan cəmiyyətinə yeni siyasi mədəniyyət və nəfəs gətirdiyini deyən deputat bildirib ki, məhz onun hakimiyyətinin ilk 15 ilində keçmiş prezidentlər haqqında qanun qəbul olunub: "Azərbaycan Prezidentinin iş üslubundakı özünəməxsusluqlar özünü xarici siyasət fəaliyyətində də aydın şəkildə özünü göstərir. Onun hakimiyyətinin ilk 15 ilində ölkənin xarici siyasəti daha da mükəmməl olub. Azərbaycan Prezidentinin dünya işlərini həm tarixi, həm nəzəri, həm də praktik baxımdan mükəmməl bilməsi ölkənin xarici siyasətinə uğurlar gətirib. Azərbaycan dövləti bloklara qoşulmayan ölkələr hərəkatına üzv olub. Məhz bu uğurlu addımların nəticəsində 2011-ci ildə Azərbaycan Respublikası BMT-nin 193 üzvündən 155-nin səsini alaraq Təhlükəsizlik Şurasının qeyri-daimi üzvü seçilib. Bu, Azərbaycan dövlətinin beynəlxalq nüfuzunun artmasının göstəricilərindən biri olub. Ötən 15 ilin təcrübəsi göstərir ki, Azərbaycanda xalqın maraqlarına cavab verən bu davamlı sabit inkişaf yolunun alternativi yoxdur. Ölkə və xalq xaos, anarxiya, sarsıntılar, inqilablar deyil, islahatlar, təkamül yolu ilə inkişaf etməlidir".

"Azərbaycanın indiki inkişaf səviyyəsinə gəlib çıxması Prezident İlham Əliyevin planetar təfəkkürünün, geniş və yorulmaz fəaliyyətinin nəticəsidir" - Musa Qasımlı

"Azərbaycanın indiki inkişaf səviyyəsinə gəlib çıxması Prezident İlham Əliyevin planetar təfəkkürünün, geniş və yorulmaz fəaliyyətinin nəticəsidir" - Musa Qasımlı

Sabahdan Azərbaycanda 7 günlük Novruz tətili başlayır
Sabahdan Azərbaycanda 7 günlük Novruz tətili başlayır
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram münasibətilə təbrik edib
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram münasibətilə təbrik edib
Abşeron rayonunda Çanaqqala Zəfərinin 109-cu ildönümü qeyd edilib
Abşeron rayonunda Çanaqqala Zəfərinin 109-cu ildönümü qeyd edilib
Novruz bayramı xalqımızın milli kimliyini təcəssüm etdirir
Novruz bayramı xalqımızın milli kimliyini təcəssüm etdirir
Abşeronda Novruz bayramı böyük izdihamla qeyd olundu
Abşeronda Novruz bayramı böyük izdihamla qeyd olundu
XI Qlobal Bakı Forumu qlobal problemlərin müzakirə olunduğu platformadır
XI Qlobal Bakı Forumu qlobal problemlərin müzakirə olunduğu platformadır
Azərbaycan davamlı inkişaf edən ölkədir
Azərbaycan davamlı inkişaf edən ölkədir
Azərbaycan-Qazaxıstan münasibətləri yeni mərhələdə
Azərbaycan-Qazaxıstan münasibətləri yeni mərhələdə
Abşeronda “Narkomanlığa qarşı mübarizədə mənəvi dəyərlərin rolu” mövzusunda tədbir keçirilib
Abşeronda “Narkomanlığa qarşı mübarizədə mənəvi dəyərlərin rolu” mövzusunda tədbir keçirilib
Azərbaycanda siyasi sistemin formalaşdırılması və gücləndirilməsi üçün yeni qanunvericilik təşəbbüsləri lazımdır
Azərbaycanda siyasi sistemin formalaşdırılması və gücləndirilməsi üçün yeni qanunvericilik təşəbbüsləri lazımdır
Dövlət müstəqilliyimizin bərpasından sonra Azərbaycan qadını dövlət quruculuğu prosesinin fəal iştirakçısına çevrildi
Dövlət müstəqilliyimizin bərpasından sonra Azərbaycan qadını dövlət quruculuğu prosesinin fəal iştirakçısına çevrildi
Abşeron rayonunda şəhid ailələrinin xanım üzvləri üçün “8 Mart - Qadınlar Günü” münasibəti ilə bayram tədbiri keçirilib
Abşeron rayonunda şəhid ailələrinin xanım üzvləri üçün “8 Mart - Qadınlar Günü” münasibəti ilə bayram tədbiri keçirilib
Azərbaycan Prezidenti “Euronews” televiziyasına verdiyi müsahibəsində önəmli məsələləri diqqətə çatdırdı
Azərbaycan Prezidenti “Euronews” televiziyasına verdiyi müsahibəsində önəmli məsələləri diqqətə çatdırdı
Abşerondakı “Şəfəq” yaşayış məntəqəsinə qəsəbə statusu veriləcək
Abşerondakı “Şəfəq” yaşayış məntəqəsinə qəsəbə statusu veriləcək
FHN bayram tonqalları ilə əlaqədar yenidən əhaliyə müraciət edib
FHN bayram tonqalları ilə əlaqədar yenidən əhaliyə müraciət edib
Bu gün od çərşənbəsidir
Bu gün od çərşənbəsidir
Azərbaycanın mövcud resursları Avropanın daha geniş coğrafiyasını qazla təmin etməsinə imkan yaradır
Azərbaycanın mövcud resursları Avropanın daha geniş coğrafiyasını qazla təmin etməsinə imkan yaradır
Yeni Azərbaycan Partiyası ölkənin perspektiv inkişafında mühüm rol oynayır
Yeni Azərbaycan Partiyası ölkənin perspektiv inkişafında mühüm rol oynayır
Abşeron ümumtəhsil müəssisələrində imtahanqabağı silsilə tədbirlər keçirilib
Abşeron ümumtəhsil müəssisələrində imtahanqabağı silsilə tədbirlər keçirilib