Abşeron qəzetinin yeni sayı
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 
28-01-2019, 16:48 Oxunub: 267

Prezident İlham Əliyev: Əgər bütün ölkələr neft hasilatının azaldılması məsələsinə məsuliyyətlə yanaşsalar, yəqin ki, qiymət bugünkü səviyyədə qalacaq

Prezident İlham Əliyev: Əgər bütün ölkələr neft hasilatının azaldılması məsələsinə məsuliyyətlə yanaşsalar, yəqin ki, qiymət bugünkü səviyyədə qalacaq


Əgər bütün ölkələr neft hasilatının azaldılması məsələsinə məsuliyyətlə yanaşsalar, yəqin ki, qiymət bugünkü səviyyədə qalacaq.

Bunu Azərbaycan Prezidenti İlham Əliyev Davosda “Rossiya 1” televiziya kanalına müsahibəsində deyib.

Dövlətimizin başçısı "Bu il neft bazarında hansı vəziyyəti gözləmək olar və qiymətlər necə ola bilər?" sualına cavabında qeyd edib: "Mən düşünürəm ki, hər şey OPEC+ formatında birləşən ölkələr arasında razılıqların necə yerinə yetirildiyindən asılı olacaq. Azərbaycan öz tərəfindən zəruri tədbirləri görüb, neft hasilatının azaldılması ilə bağlı öhdəliklər götürüb və biz bu öhdəlikləri icra edirik. Buna görə də düşünürəm ki, əgər bütün ölkələr bu məsələyə məsuliyyətlə yanaşsalar, onda yəqin ki, qiymət bugünkü səviyyədə qalacaq. Bu, barrelə görə 60-70 dollar deməkdir. Hərçənd bütün il üçün proqnozlaşdırmaq çox çətindir. Amma düşünürəm ki, əksər təhlilçilərin qiymətləndirməsinə görə təxminən bu səviyyə real ola bilər və həmçinin o, həm şirkətlər, həm ixracatçı ölkələr, həm də istehlakçılar üçün daha məqbuldur".

"Ötən ilin sonunda məlum oldu ki, Amerikanın neft-qaz şirkətləri 25 il sonra Azərbaycanı tərk etmək qərarını qəbul ediblər. Bu qərar nə ilə əlaqədardır və onları kim əvəz edə bilər?" sualına gəlincə, Prezident İlham Əliyev belə təcrübənin əvvəllər də olduğunu bildirib:

"Azərbaycan, sizin artıq qeyd etdiyiniz kimi, 25 il ərzində Xəzər dənizinin Azərbaycan sektorunda iri neft və qaz yataqlarının kəşfiyyatı və işlənilməsi üzrə beynəlxalq şirkətlərlə uğurla işləyir. Bu illər ərzində bəzi şirkətlər öz paylarını satıblar, bəzi şirkətlər isə paylarını alıblar. Yəni, bu, təbii prosesdir və deməliyəm ki, Azərbaycanın neft-qaz layihələri çox gəlirlidir. Təkcə son 15 il ərzində bizim iqtisadiyyatımıza 250 milyard dollara qədər sərmayə qoyulub. Bu sərmayələrin yarısı xaricidir və bunların böyük əksəriyyəti neft-qaz sektoruna aiddir. Həmçinin bizim neftimizi bir çox istiqamətlərə nəql etməyə imkan verən ixrac neft və qaz boru kəmərləri inşa edilib. Buna görə də bu gün, əlbəttə, neft-qaz layihələrinin gəliri artır".

Azərbaycan Prezidenti əlavə edib ki, hər bir şirkətin öz sərmayə siyasəti, strategiyası var, hansısa şirkət payını sataraq layihədən çıxmağa üstünlük verir: "Deməliyəm ki, 25 il ərzində bizim əsas enerji tərəfdaşlarımız artıq lap çoxdandır özlərinin qoyduqları vəsaitləri sayəsində böyük qazanc əldə ediblər. Buna görə də düşünürəm ki, Amerika şirkətlərinin öz paylarını satmaq qərarı tamamilə təbiidir və onları kimlərin alacağı kimlərə təklif etmələrindən asılı olacaq. Əlbəttə ki, Azərbaycanın bu ehtiyatlara sahib ölkə kimi həmin sövdələşməni təsdiq, yaxud inkar etmək haqqı var. Amma, bir qayda olaraq, əvvəlki bütün sövdələşmələr tərəfimizdən təsdiqlənib".
XƏBƏR LENTİ
Bu gün, 15:01 | Varikoz zamanı türkəçarə vasitələr – alma sirkəsi, zeytun yağı, sarımsaq…Bu gün, 14:59 | Prezident İlham Əliyev Belarus Təhlükəsizlik Şurasının dövlət katibini qəbul edibBu gün, 14:56 | Aİ və BMT İnkişaf Proqramı Azərbaycanda gender bərabərliyi sahəsində layihəni davam etdirirBu gün, 13:00 | Birinci vitse-prezident Mehriban Əliyeva: Hər iki dahi şəxsiyyətimizin - Üzeyir Hacıbəyli və Müslüm Maqomayevin xatirəsini dərin ehtiramla yad edirikBu gün, 12:54 | Təmas xəttində monitorinq insidentsiz başa çatıbBu gün, 12:54 | Təmas xəttində monitorinq insidentsiz başa çatıbBu gün, 09:56 | Bunlar da qaraciyəri zədələyir. Çox təəccüblənəcəksiniz!Bu gün, 09:55 | Azərbaycan və Gürcüstanın ikitərəfli əməkdaşlıq əlaqələri müzakirə olunubDünən, 14:53 | Azərbaycan Ordusunun keçirdiyi təlimlərdə xəritə üzərində tapşırıqlar icra olunurDünən, 14:52 | Təmas xəttində növbəti monitorinq keçiriləcəkDünən, 14:51 | Prezident İlham Əliyev Gürcüstanın İqtisadiyyat və Davamlı İnkişaf nazirini qəbul edibDünən, 10:49 | Azərbaycan Ordusunun keçirdiyi təlimlərdə xəritə üzərində tapşırıqlar icra olunurDünən, 09:55 | Karbondioksiddən maye yanacaq əldə edildiDünən, 09:54 | Təzyiq ölçə bilən ağıllı saat - Asus VivoWatch SPDünən, 09:52 | Robotlara ağrını hiss etmə qabiliyyəti verən elektron dəri hazırlandı16-09-2019, 15:16 | İradə Gülməmmədova Masazır məktəbində ilk dərs günündə iştirak edib - FOTO16-09-2019, 15:15 | İltihab, sonsuzluq, babasil zamanı kömək edən yarpaqlar. Faydalı reseptlər16-09-2019, 15:13 | Beyin qan dövranını yaxşılaşdırmağın 5 YOLU16-09-2019, 15:11 | Bakıda Azərbaycan-Türkiyə iqtisadi əməkdaşlığı üzrə Birgə Hökumətlərarası Komissiyanın iclası keçirilir16-09-2019, 15:10 | Prezident İlham Əliyev Türkiyənin Vitse-prezidentini qəbul edib16-09-2019, 14:06 | İradə Gülməmmədova BMU-da keçirilən Bilik günündə iştirak edib16-09-2019, 11:51 | Mədə qıcqırması. SƏBƏBLƏR və TƏBİİ ÇARƏLƏR