Rusiya prezidenti Vladimir Putin və ABŞ prezidenti Donald Tramp ötən il Buenos-Ayresdə keçirilən G20 sammitində tərcüməçi olmadan 15 dəqiqə söhbət ediblər. Bu barədə “Financial Times” qəzeti açıqlayıb.
Məlumata görə, iki liderin qeyri-rəsmi söhbəti Kolon teatrında tədbirlə gələn qonaqların artıq dağılmağa başladığı zaman baş tutub. Trampı onun həyat yoldaşı, Putini isə tərcüməçi müşayiət edib.
Beləliklə, Amerika tərəfindən söhbətin məzmununu sənədləşdirəcək nə tərcüməçi, nə də prezidentin köməkçisi iştirak etməyib.
Nəşr Rusiya Federasiyasının rəsmi şəxsinə istinad edərək yazıb ki, iki dövlət başçıları 15 dəqiqəlik söhbətində Azov dənizindəki hadisə və Suriyada baş verən münaqişə, bir sıra xarici siyasət məsələlərini müzakirə ediblər.
“Financial Times”in mənbəyinə görə, iki dövlət başçıları rəsmi görüşün keçirilməsi ilə bağlı mövzunu müzakirə ediblər.
ABŞ Dövlət Departamenti və “Ağ Ev” yazılanlara şərh verməkdən imtina etdi