“Azərbaycan Respublikasının Prezidenti cənab İlham Əliyevin və birinci vitse-prezident Mehriban xanım Əliyevanın yanvarın 28-də Prezident Sarayında şəhid ailələri ilə görüşdü. Hər iki şəxs bir çoxlarının ölkədə məhz şəhid ailələri, şəhid qanı üzərindən ortalığı qarışdırmaq istəklərinin qarşısını almış oldu. Əslində Azərbaycan Prezidenti də, ölkənin birinci xanımı da şəhidlərə, onların ailələrinə həmişə diqqətlə, qayğı ilə yanaşıb".
Onun sözlərinə görə, bu gün Azərbaycan dövləti elə bir siyasət yürüdür ki, burada Vətən uğrunda canını fəda etmiş hər bir insanımız arxayın şəkildə haqq dünyasında rahat yata bilir: "Çünki onun arxasında qalan ailəsi, əzizləri məhz bu dövlətin qayğısı ilə əhatə olunur. Bu hər zaman belə olub və bundan sonra da belə olacaq. Bildiyiniz kimi şəhid ailələrinə birdəfəlik ödəmələrin edilməsi ilə bağlı müəyyən anlaşılmazlıqlar var idi. Təbii ki, o da məqsədli şəkildə dövlətin yürütdüyü bir siyasət deyildi. Sadəcə olaraq bəzi məqamlar var idi ki, onlara aydınlıq gətirilməsi lazım idi.
Təəssüflər olsun ki, şəhid ailələrinin bu problemindən bəzi siyasi qüvvələr istifadə etmək istəyirdilər. Onların dövlətə qarşı çıxması, dövlətdən qayğı görməməsi və s. görüntüsü yaratmaq istəyirdilər. Amma nəticə etibarilə cənab Prezident şəxsən özü və birinci vitse-prezident Mehriban xanım Əliyeva bu məsələni nəzarətə götürdü. Onlar ortalıqda olan o anlaşılmazlığı aradan qaldırmaq üçün təcili tədbirlər görülməsini təmin etdilər. Nəticədə cənab Prezident və birinci vitse-prezident Mehriban xanım Əliyeva şəhid ailələrinin ayağına qədər gəldilər, onlarla qucaqlaşdılar və görüşdülər. Çox isti bir münasibət şəraitində onların həmin problemini həll etdilər. Yəni bu bir daha göstərdi ki, Azərbaycan Prezidentinin şəhidlərlə, şəhid ailələri ilə bağlı dedikləri sadəcə söz deyil, bu əməldir. Bu əməlin növbəti dəfə göstərilməsi məhz bu hadisə ilə baş vermiş oldu. Nəticədə də Azərbaycan dövlətinə və onun rəhbərlərinə qarşı müəyyən çirkin planlar quranların istəkləri sadəcə olaraq boşa çıxmış oldu”.