Xəbər verdiyimiz kimi, Azərbaycan Demokratik Cümhuriyyətinin qurucusu Məhəmmədəmin Rəsulzadənin nəvəsi Rəis Rəsulzadə mediaya açıqlamasında babasının məzarının Bakıya gətirilməsini arzuladığını bildirib.
Yeni Azərbaycan Partiyası (YAP) icra katibinin müavini, deputat Mübariz Qurbanlı Rəis Rəsulzadənin bu istəyinə münasibət bildirib.
YAP-çı deputat virtualaz.org-a açıqlamasında bildirdi ki, təkcə Rəzulzadənin deyil, respublikamızın quruculuğunda rolu olmuş Əlimərdan bəy Topçubaşov və Fətəli xan Xoyskinin və digərlərinin məzarları Azərbaycana gətirilə bilər və onlar üçün Bakıda xatirə kompleksi yaradıla bilər.
M.Qurbanlı sonda onu da vurğuladı ki, təbii, bu onun şəxsi fikirləridir və son sözü Azərbaycan dövləti deyəcək.