Absheron Media
Haqqımızda Bizimlə əlaqə

Səfir: Birinci vitse-prezident Mehriban Əliyevanın Parisə səfəri Azərbaycanla Fransa arasında münasibətlərin dinamik xarakter daşıdığını nümayiş etdirdi

Tarix:19-03-2019, 17:46

Səfir: Birinci vitse-prezident Mehriban Əliyevanın Parisə səfəri Azərbaycanla Fransa arasında münasibətlərin dinamik xarakter daşıdığını nümayiş etdirdi


Azərbaycanın Birinci vitse-prezidenti Mehriban Əliyevanın Parisə səfəri Azərbaycanla Fransa arasında etimadın yüksək səviyyədə olduğunu nümayiş etdirdi.

Səfir qeyd edib: "Parisə həyata keçirilmiş belə mühüm səfərdən sonra Bakıya qayıtmaqdan şadam. Birinci vitse-prezident Mehriban Əliyeva Parisə yüksək səviyyəli və uğurlu səfər etdi və bu səfər Fransa ilə Azərbaycan arasında etimadın və qarşılıqlı anlaşmanın yüksək səviyyədə olduğunu, ikitərəfli münasibətlərimizin hərtərəfli, çoxşaxəli olduğunu nümayiş etdirdi".

Diplomat bildirib ki, Mehriban Əliyevanı Parisə Fransanın Baş naziri Eduard Filip dəvət etmişdi: "Mehriban Əliyevanın Eduard Filiplə görüşü, həmçinin Fransanın birinci xanımı, Fransa Senatı və Milli Assambleyasının sədrləri, mədəniyyət və iqtisadiyyat nazirləri ilə yüksək səviyyəli görüş və təmasları regionun problemlərinə, o cümlədən Dağlıq Qarabağ münaqişəsinə toxunmağa imkan verdi. Bu, iqtisadi əməkdaşlığımızın vəziyyətini qiymətləndirmək üçün bir imkan idi: nə edilib, qarşıda hansı işlər dayanır və nə etmək olar".

Onun sözlərinə görə, hər iki tərəf bu əməkdaşlığın dinamizmini, həmçinin iqtisadi əməkdaşlığın istifadə olunmamış potensialını vurğuladı: "Həmçinin tərəflər təhsil və mədəniyyət sahələrində əməkdaşlıq çərçivəsində əldə olunmuş böyük nailiyyətlərə görə bir-birini təbrik etdi. Bakı Fransız Liseyinin, Fransa-Azərbaycan Universitetinin uğurları və məktəblərdə fransız dilinin irəliləyişi yüksək qiymətləndirildi. Həqiqətən də bu səfər fikir mübadiləsi, layihələrin və gələcək fəaliyyətin müzakirəsi üçün bir imkan oldu".

A.Buşez iqtisadi əməkdaşlığın inkişafına konkret məzmun verilməsi üçün dörd sənədin imzalandığını və bir çox digər layihələrin də müzakirə olunduğunu əlavə edib: “Azərbaycanla Fransa arasında sekulyarizm ənənəsi və qadınların rolu kimi ümumi nəzər nöqtələrinə xüsusi diqqət ayrıldı. Bu səfər münasibətlərimizin dinamik xarakterini, nə etdiklərimizi və müxtəlif sahələrdə əməkdaşlığımızı inkişaf etdirmək üçün nə edə biləcəyimizi nümayiş etdirdi”.

Səfir Azərbaycanla Fransa araslnda iqtisadi əməkdaşlığa da toxunub:

“Biznesin perspektivlərinə gəldikdə, məmnuniyyətlə bildirmək istəyirəm ki, 2018-ci ildə biz ticarət dövriyyəsinin 15 faizlik artımını qeydə almışıq. Biz kifayət qədər nikbinik, çünki Fransa şirkətlərinin fəaliyyəti Azərbaycan iqtisadiyyatının geniş spektrini əhatə edir: bu şirkətlər xüsusilə iqtisadiyyatın şaxələndirilməsi və onun böyük potensialının aşkar olunmasına töhfə verməyə çalışır. Əlbəttə ki, neft-qaz sektoru böyük əhəmiyyət kəsb edən sahə olaraq qalır və mən bu məqamda “Total” şirkətinin Azərbaycanın dövlət neft şirkəti SOCAR-la 20 ildən çox davam edən uğurlu əməkdaşlığını vurğulamaq istərdim. Biz Azərbaycanı, o cümlədən SOCAR-ı etibarlı tərəfdaş kimi görürük. “Total” Azərbaycanda indikindən daha çox iş görmək niyyətindədir. Ümid edirik ki, şirkətin bütün layihələri reallaşdırılacaq”.

Qeyri-neft sektorundan danışan diplomat vurğulayıb ki, bu sahənin iqtisadiyyatda payı Azərbaycan Prezidenti İlham Əliyev tərəfindən aparılan şaxələndirmə siyasəti sayəsində artır:

“Fransa şirkətləri nəqliyyat kimi prioritet sektorlarda çox yaxşı təmsil olunub: dəmiryol nəqliyyatında “Alstom”, metro - “Thales”, avtobus - “Iveco” və aeroportlarda “Thales”. Azərbaycanın regional nəqliyyat qovşağı kimi böyük potensialı var və Fransa şirkətləri bu məqsədə nail olunmasına töhfə vermək üçün fəaliyyətlərini gücləndirməyə hazırdır. Artıq Fransa İnkişaf Agentliyi dəmiryol nəqliyyatı ilə bağlı layihələri dəstəkləyir. Bundan başqa, kənd təsərrüfatı kimi perspektiv əməkdaşlıq sahələri də mövcuddur. Biz çox şadıq ki, Azərbaycanın kənd təsərrüfatı naziri artıq bir neçə dəfə Fransaya səfər edib. Kənd təsərrüfatı və aqrobiznes sahəsində əməkdaşlığımızın inkişaf edəcəyinə ümid edirik”.

Ətraf mühit sahəsinə gəlincə, A.Buşez deyib ki, Bakı gözəl və müasir şəhərdir, lakin burada su təchizatı sistemləri və ətraf mühitlə bağlı problemləri həll etmək vacibdir:

"Fransanın "Suez" şirkəti Azərbaycanda bu sahədə artıq fəal çalışır. Şirkət, məsələn, çirklənmənin qarşısının alınması və su resurslarının idarə olunmasının yaxşılaşdırılması proqramları çərçivəsində daha böyük işlər görməyə söy göstərir. Həmçinin Azərbaycanda turizm çiçəklənir ki, bu da təbiidir, çünki ölkənin şəhərləri çox gözəldir, bölgələri isə turizmin inkişafı üçün çox yüksək potensiala malikdir".

O bildirib ki, digər sahələrdə, o cümlədən kosmos sferasında əməkdaşlığı daha da inkişaf etdirmək olar:

"Biz "Azərkosmos" tərəfindən işlənən proqramların, o cümlədən "Azərkosmos"un "Airbus"la əməkdaşlıq çərçivəsində hazırladığı kəşfiyyat peyki üzrə proqramın uğurlu olduğunu görürük. Bu, gələcəkdə inkişaf etdirməli olduğumuz əməkdaşlıq sahələrinə yalnız bir neçə nümunədir. Hər bir şirkətin öz layihəsi var, onların hər biri burada layihələrini inkişaf etdirmək və fəaliyyətini genişləndirmək istərdi. Eləcə də Fransa şirkətləri Azərbaycanda, yerli bazarda iştiraka çox maraq göstərir. Sizin gözəl ölkənizdə fantastik potensial var".

A.Buşez qeyd edib ki, bu potensial Azərbaycan hakimiyyəti tərəfindən aparılan əlverişli siyasəti, o cümlədən son maliyyə islahatlarını, kiçik və orta sahibkarlığa dəstək tədbirlərini gücləndirir:

"İqtisadi əməkdaşlıq Azərbaycanın Birinci vitse-prezidentinin hər bir həmsöhbəti ilə müzakirə etdiyi mövzulardan biri idi. Hər dəfə Fransa və Azərbaycan arasında daha dərin və genişləndirilmiş əlaqələrin təmin olunması üçün nə edə biləcəyimiz barədə fikir mübadiləsi aparıldı".

Novruz bayramı xalqımızın milli kimliyini təcəssüm etdirir
Novruz bayramı xalqımızın milli kimliyini təcəssüm etdirir
Abşeronda Novruz bayramı böyük izdihamla qeyd olundu
Abşeronda Novruz bayramı böyük izdihamla qeyd olundu
XI Qlobal Bakı Forumu qlobal problemlərin müzakirə olunduğu platformadır
XI Qlobal Bakı Forumu qlobal problemlərin müzakirə olunduğu platformadır
Azərbaycan davamlı inkişaf edən ölkədir
Azərbaycan davamlı inkişaf edən ölkədir
Azərbaycan-Qazaxıstan münasibətləri yeni mərhələdə
Azərbaycan-Qazaxıstan münasibətləri yeni mərhələdə
Abşeronda “Narkomanlığa qarşı mübarizədə mənəvi dəyərlərin rolu” mövzusunda tədbir keçirilib
Abşeronda “Narkomanlığa qarşı mübarizədə mənəvi dəyərlərin rolu” mövzusunda tədbir keçirilib
Azərbaycanda siyasi sistemin formalaşdırılması və gücləndirilməsi üçün yeni qanunvericilik təşəbbüsləri lazımdır
Azərbaycanda siyasi sistemin formalaşdırılması və gücləndirilməsi üçün yeni qanunvericilik təşəbbüsləri lazımdır
Dövlət müstəqilliyimizin bərpasından sonra Azərbaycan qadını dövlət quruculuğu prosesinin fəal iştirakçısına çevrildi
Dövlət müstəqilliyimizin bərpasından sonra Azərbaycan qadını dövlət quruculuğu prosesinin fəal iştirakçısına çevrildi
Abşeron rayonunda şəhid ailələrinin xanım üzvləri üçün “8 Mart - Qadınlar Günü” münasibəti ilə bayram tədbiri keçirilib
Abşeron rayonunda şəhid ailələrinin xanım üzvləri üçün “8 Mart - Qadınlar Günü” münasibəti ilə bayram tədbiri keçirilib
Azərbaycan Prezidenti “Euronews” televiziyasına verdiyi müsahibəsində önəmli məsələləri diqqətə çatdırdı
Azərbaycan Prezidenti “Euronews” televiziyasına verdiyi müsahibəsində önəmli məsələləri diqqətə çatdırdı
Abşerondakı “Şəfəq” yaşayış məntəqəsinə qəsəbə statusu veriləcək
Abşerondakı “Şəfəq” yaşayış məntəqəsinə qəsəbə statusu veriləcək
FHN bayram tonqalları ilə əlaqədar yenidən əhaliyə müraciət edib
FHN bayram tonqalları ilə əlaqədar yenidən əhaliyə müraciət edib
Bu gün od çərşənbəsidir
Bu gün od çərşənbəsidir
Azərbaycanın mövcud resursları Avropanın daha geniş coğrafiyasını qazla təmin etməsinə imkan yaradır
Azərbaycanın mövcud resursları Avropanın daha geniş coğrafiyasını qazla təmin etməsinə imkan yaradır
Yeni Azərbaycan Partiyası ölkənin perspektiv inkişafında mühüm rol oynayır
Yeni Azərbaycan Partiyası ölkənin perspektiv inkişafında mühüm rol oynayır
Abşeron ümumtəhsil müəssisələrində imtahanqabağı silsilə tədbirlər keçirilib
Abşeron ümumtəhsil müəssisələrində imtahanqabağı silsilə tədbirlər keçirilib
Abşeronda Ümumdünya Mülki Müdafiə Gününə həsr olunmuş tədbir keçirilib
Abşeronda Ümumdünya Mülki Müdafiə Gününə həsr olunmuş tədbir keçirilib
Xocalıda soyqırım qurbanlarının xatirəsini əbədiləşdirmək məqsədilə Memorial Kompleksin təməli qoyuldu
Xocalıda soyqırım qurbanlarının xatirəsini əbədiləşdirmək məqsədilə Memorial Kompleksin təməli qoyuldu
Novruz bayramı ərəfəsində Abşeron rayonunda abadlıq-təmizlik işlərinə başlanılıb
Novruz bayramı ərəfəsində Abşeron rayonunda abadlıq-təmizlik işlərinə başlanılıb