“Prezident seçkilərindən ötən son bir il ərzində Azərbaycanda görülən işlər seçki kampaniyası dövründə verilmiş vədlərin ardıcıl icrası baxımından diqqətəlayiq olmaqla yanaşı, həm də məzmununa görə Prezident İlham Əliyevin 15 ildə gördüyü işlərdən müəyyən qədər fərqlənir”.
Siyasi şərhçinin sözlərinə görə, 1 il bundan öncə seçki kampaniyasında verilən vədlərin qrafikə uyğun icrası bir daha göstərir ki, Azərbaycan Prezidenti xalqla yalnız yerinə yetirilməsi mümkün işlər barədə dialoq aparır, qeyri-real vədlər vermir, verilmiş vədlərə görə cəmiyyət qarşısındakı məsuliyyətinə prinsipial yanaşır: “Son bir ildə həyata keçirilmiş işlərin ümumən son 15 ildəki fəaliyyətlərdən əsas fərqi əhalinin sosial müdafiəsinə və təminatına yönəlik paketlərin icraatının üstünlük təşkil etməsidir. Sosial sahə hər zaman dövlətin diqqət mərkəzində olub. Lakin son bir ildə bu işlər öz ağırlığı ilə diqqət cəlb edir. Prezidentin bir ildəki fəaliyyəti iqtisadi, siyasi və xarici fəaliyyət sahəsində seçilmiş kursun davamı olmaqla seçki platformasına da tam uyğun olması ilə xarakterikdir”.
A.Quliyev söyləyib ki, Azərbaycan Prezidenti yeni iqtisadi modelə keçid etməyi, islahatları keyfiyyətcə yeni mərhələyə çıxarmaqla, sosial sahədə heç bir layihəni ixtisara salmadan geniş sosial müdafiə paketləri icra etməyi, hər bir vətəndaşın mənafelərinə yönəlik siyasəti daha da dərinləşdirməyi, Dağlıq Qarabağ probleminin həlli sahəsində ölkənin mövqelərini daha da möhkəmləndirməyi öz seçki platformasının əsas prinsipləri kimi cəmiyyətə təqdim etmişdi: “Bu istiqamətlərin hər biri üzrə təhlil aparanda ortada böyük nəticə olduğunu görürük. Bir ildə ən böyük nəticəni Prezidentin xalqla münasibətləri müstəvisində görürük. Bu münasibətlər daha canlı, birbaşa, səmərəli və təsirli olmağa başlayıb. İslahatların, sosial müdafiənin və iqtisadi artım tempinin təmin edilməsi bu nəticənin əldə olunmasında həlledici rol oynayır. İqtisadi inkişaf, xüsusilə qeyri-neft sektorunun gücləndirilməsinə yönəlik fəaliyyətlər çox əhəmiyyətlidir”.
Baş redaktor qeyd edib ki, son 1 ildə görülən işlər nəticəsində Ermənistan tam təcrid vəziyyətinə çatdırılıb, dünya Azərbaycanı dəstəkləyir, ordu quruculuğu böyük sürətlə gedir: “Bütün bunlar Prezidentin seçki platformasının reallaşdığını göstərən faktlardır. Prezident bir ildə verilmiş vədləri doğrultmaq nümunəsi yaratdı”.