Yeni Azərbaycan Partiyasının Abşeron rayon təşkilatında qadın seçicilərlə görüş keçirib. Görüşdə YAP Abşeron rayon Qərargahının sədri Bilman Vəliyev, Milli Məclisin üzvü Sevinc Fətəliyeva, Abşeron rayonu YAP Qadınlar Şurasının sədri Teyyubə Hüseynova , Abşeron rayon Təhsil şöbəsinin müdiri Nazilə Məmmədova və rayonun bir qrup fəal qadınları iştirak ediblər.
Milli Məclisin üzvü Sevinc Fətəliyeva çıxışında qeyd etdi ki, müasir müstəqil Azərbaycanın banisi, ümummilli lider Heydər Əliyev tərəfindən yaradılmış Yeni Azərbaycan Partiyasının cəmiyyətin demokratikləşməsindəki müstəsna yeri və rolu, ölkəmizdə keçirilmiş bütün seçkilərdə qazandığı parlaq qələbələr, Prezident İlham Əliyevin rəhbərliyi ilə son 16 ildə ölkəmizin əldə etdiyi misilsiz siyasi, iqtisadi, sosial, mədəni nailiyyətlər, əhalinin sosial rifahının daha da yüksəldilməsi məqsədilə icra olunan sosial layihələr, ölkəmizdə yerli özünü idarəetmə strukturları olan bələdiyyə institutunun inkişafı və fəaliyyət mexanizmi üçün yaradılmış zəruri qanunvericilik bazası, xüsusilə son dövrdə bələdiyyələrin maliyyə mənbələrində yaradılmış yeni imkanlar və bələdiyyələrlə bağlı görüləcək işlər haqqında seçicilərə ətraflı məlumat verib.
YAP Qadınlar Şurasının sədri Teyyubə Hüseynova bütün seçiciləri seçki günü seçki məntəqələrinə dəvət edərək Yeni Azərbaycan Partiyasının namizədlərini dəstəkləməyə çağırıb.
Yığıncaqda YAP Abşeron rayon Qərargahının sədri Bilman Əliyev çıxış edərək xanımları 23 dekabr bələdiyyə seçkilərində fəal iştirak etməyə, ölkəmizin hərtərəfli inkişafının davamlı olması naminə Yeni Azərbaycan Partiyasının namizədlərinə səs verməyə çağırıblar.