Mayın 11-də Xırdalan şəhər 2 nömrəli tam orta məktəbdə "ingilis dili fənn aylığı"na həsr olunmuş "Biz bir dünyayıq" (We are the world )adlı ingilis dilində açıq dərs keçirilib. Tədbirdə məktəbin müəllim və şagird kollektivi ,Abşeron RTŞ-nın nümayəndələri və digər qonaqlar iştirak ediblər.
Məktəbin 9 c ,9 e,9 ç və 9 d sinif şagirdlərinin təqdimatında baş tutan tədbir aparıcıların açılış nitqi və dövlət himninin səsləndirilməsi ilə başlayıb.
Sonra bir-birindən maraqlı çıxışlar başlayıb. Şagirdlər “O olmasın bu olsun ” filimindən qısa bir səhnə , “Hind”, “İspan”, “Avar” rəqsləri nümayiş etdiriblər.
Tədbirdə ən çox marağa səbəb olan Məktəbin 9-cu snif şagirdi Aqşinin “Sarı gəlin” mahnısını ingilis dilində səsləndirməsi olub
Təqdim edilən proqram iştirakçılar tərəfindən böyük maraqla qarşılanıb. Sonda məktəbin direktoru Ədalət Camalova maraqlı və məzmunlu tədbirə görə təşkilatçı Gülnarə Haçızadəyə və iştirakçılara minnətdarlıq edib.
Tədbir şagirdlərin ingilis dilində oxuduqları “Biz dünyayıq” (We are the world) mahnısı ilə yekunlaşıb