Bu gün Xırdalan şəhər 1 nömrəli tam orta məktəbdə hərbi vətənpərvərlik mövzusunda tədbir kecirilib. Tədbirdə Abşeron rayon İcra Hakimiyyəti başçısının müavini Fuad Cəbrayılov, Memarlıq və tikinti şöbəsinin müdiri Akif Əliyev, Rayon polis İdarəsinin rəis müavini, polis polkovniki Elçin Rəcəbov, RTŞ-nın metodisti Zərifə Cəbiyeva, məktəbin müəllim və şagird kollektivi, həmçinin valdeyinlər iştirak edib.
Məktəbin iclas zalında kecirilən tədbirdə əvvəlcə dövlət himni səsləndirilib. Torpaqlarımızın ərazi bütövlüyü uğrunda şəhid olan hərbçilərimizin ruhları bir dəqiqəlik sükutla yad edilib.
Tədbirdə şagirdlərin ifasında vətənə, dövlət atributlarına aid şeirlər, vətərnpərvərlik mövzusunda mahnılar səsləndirilib, milli rəqs nümünələri nümayiş olunub.
Azərbaycanın şanlı bayrağını əsgər geyimində olan şagirdlərin səhnəyə alqış sədaları altında gətirməsi və yeniyetmələrin işğal altında olan rayonlarımızın adlarını boyunlarından asaraq səhnəyə çıxması tədbirin ən yadda qalan hissəsi olub.
Abşeron RTŞ-nın tarix fənni üzrə metodisti Zərifə Cəbiyeva Azərbaycan gənclərinin hərbi-vətənpərvərlik tərbiyəsi, yeniyetmə və gənclərdə vətəndaşlıq hisslərinin yüksəldilməsi, onların Azərbaycanın müstəqilliyi və ərazi bütövlüyü uğrunda mübarizəyə hazırlıq ruhunda tərbiyə edilməsi sahəsində Abşeron rayonunda olan təhsil oçaqlarında mütəmadi olaraq işlərin görüldüyünü bildirib.
Tədbir şagirdlərin “Qələbə bizimdir, bizim olacaq” , “Hər şey vətən üçün” şüarlarını səsləndirməsi ilə başa çatıb.