Xırdalan şəhərində yerləşən 23 saylı körpələr evi- uşaq bağçası bu il “İlin bağça”sı seçilib. Fəaliyyətdə olduğu illər ərzində minlərlə uşaq hazırlayan bağça cari ildə 50 uşağı məktəbə yola salacaq. Bu münasibətlə “ƏLVİDA BAĞÇA – SALAM MƏKTƏB” tədbiri keçirilib. 23 saylı körpələr evi- uşaq bağçasının müdiri Aybəniz Sadıxova bağçanın fəaliyyəti barədə məlumat verib, uşaqların hazırlıq prosesindən danışıb.
Rayon Təhsil Şöbəsinin məktəbəqədər tərbiyə müəssisəsinin metadisti Samirə Məmmədova ölkə rəhbərliyi tərəfindən respublikada təhsil sahəsində aparılan işlər və Abşeron rayonunda həyata keçirilən layihələr barədə ətraflı məlumat verib, bağçanın pedaqoji kollektivinə uğurlar arzulayaraq bu il məktəbə gedəcək birinciləri təbrik edib.
Bayramsayağı bəzədilmiş bağçada əvvəlcə Azərbaycan və rus bölmələrinə aid hazırlıq qrupunda kompleks məşğələlərə baxılıb, sonra Abşeron rayon ictimayyəti, rayonun məktəbəqədər tərbiyə müəssisələrinin əməkdaşları və valideynlərin iştirakı ilə musiqili-əyləncəli proqrama tamaşa edilib. Müxtəlif səhnələşdirilmiş nömrələr, rəqs və mahnılar, xorun ifası tədbir iştirakçılarının alqışları ilə qarşılanıb. Sehirbazın səhnəyə gəlməsi uşaqların həriflərlə və rəqəmlərlə sual- cavabı maraqla izlənilib. Azərbaycan sözünün uşaqlar tərəfindən tapılıb hərflərə uyğun şerlərin söylənməsi, 1-dən 10-dək rəqəmlərə aid sözlərin deyilməsi tədbir iştirakçıları tərəfindən alqışlarla qarşılanıb.
“Torpaqdan pay olmaz” səhnəciyi böyük məharətlə nümayiş edilib, “Bağçadan ayrılırıq”, “Məktəbə gedirik” şeirləri söylənilib.