26 İyun Silahlı Qüvəllər Günü münasibəti ilə Xırdalan şəhər 17 saylı uşaq bağçasının hərbi geyimli fidanlarının Abşeron rayonundakı Heydər Əliyev Mərkəzinə ekskursiyası təşkil edilib. Tur çərçivəsində körpələr ümummilli liderin həyat və fəaliyyətini əks etdirən foroşəkillərlə, tarixi sənədlərlə tanış olublar. Fidanlara ulu öndərin Azərbaycanın bu günü və gələcəyi üçün gördüyü işlər, həyata keçirdiyi siyasət və ideyaları haqqında ətraflı məlumat verilib.
Mərkəzdə yaradılmış Heydər Əliyev Muzeyi uşaqlarda böyük maraq doğurub.
Mərkəzlə tanışlıq bitdikdən sonra balaçalar vətənə, orduya, bayrağa aid şeirlər səsləndiriblər.
Bağçanın tərbiyəçiləri və uşaqları daha sonra Xırdalan şəhərində Böyük Vətən Müharibəsi zamanı həlak olanların xatirəsinə ucaldılan abidəni ziyarət ediblər.