Abşeron qəzetinin yeni sayı
«    İyun 2019    »
BeÇaÇCaCŞB
 12
3456789
10111213141516
17181920212223
24252627282930
31-08-2016, 13:50 Oxunub: 2347

Xırdalan şəhər 2 nömrəli tam orta məktəbin uğurları ilbəil artır

Xırdalan şəhər 2 nömrəli tam orta məktəbin uğurları ilbəil artır

Abşeronun qabaqcıl təhsil ocaqlarından sayılan Xırdalan şəhər 2 nömrəli tam orta məktəb öz qapılarını 47 il əvvəl şagirdlərin üzünə açıb. Bu illər ərzində pedaqoji kollektivin gərgin əməyi və birgə səyləri ilə neçə-neçə uğura imza atılıb. Ötən dərs ilində isə məktəb ikinci dəfə “Ən yaxşı ümumtəhsil məktəbi” müsabiqəsinin qalibi olub.Məktəbin ən böyük uğuru onun yetirmələridir. Abşeronda sayılıb-seçilən nüfuzlu ziyalıların böyük bir hissəsi vaxtilə məhz bu məktəbdə oxuyub. Onların arasında tanınmış alim, mühəndis, müəllim, psixoloq, həkim, iqtisadçı və digər peşə sahibləri də var.

Ədalət Camalova Xırdalan şəhər 2 saylı məktəbə təyinat aldığı gündən məktəbin fəaliyyətində mühüm dönüş yaranıb. Son üç ildə məktəbin ali məktəblərə qəbul üzrə göstəriciləri respublika və rayon göstəricilərindən yüksək olub. 600-dən yuxarı balla tələbə adını qazananların sayı ilbəil artır. Son üç ilə nəzər yetirək. 2013-2014-cü tədris ilində məktəbin məzunlarının 78 faizi ali məktəblərə qəbul olmuşdusa, 2014-2015-ci tədris ilində 81 faiz, 2015-2016-cü tədris ilində bu rəqəm 92 faiz təşkil edib. Bu il məktəbin məzunlarından 169 nəfər ali məktəbə sənəd verib, onlardan 155 nəfəri tələbə adını qazanıb. Tələbə adını qazananlardan 30 nəfər 500-700 intervalında bal toplayıb.O cümlədən 600-700 bal toplayan məzunların sayı 11 nəfərdir.

Tələbə Qəbulu üzrə Dövlət Komissiyası (TQDK) 2015/2016-ci tədris ili üçün Azərbaycan Respublikasının ali təhsil müəssisələrinə yerləşdirmənin nəticələrini açıqlayandan sonra bir sıra maraqlı faktlar qeydə alınıb. Belə maraqlı faktlardan biri də eyni sinfi bitirən məzunların hamısının ali məktəbə qəbul olunmasıdır. Bu hadisə Xırdalanda qeydə alınıb.Belə ki, bu il Xırdalan şəhər 2 nömrəli tam orta məktəbin rus bölməsinin XI1 sinfini bitirən 21 nəfərin hamısı (2-nəfəri 600-dən yuxarı bal toplayıb), XI2 sinfini bitirən 20 nəfər məzunun hərbiri ali məktəbə sənəd verib, və tələbə adını qazanıb.

Hazırda məktəbdə 3851 nəfər şagirdin təlim-tərbiyəsi ilə 370-ə yaxın müəllim məşğul olur. Təhsil elə bir sahədir ki, burada dövlətin qayğısı və əməli fəaliyyət mühüm rol oynayır, müəllim əməyi, müəllim biliyi, pedaqoji ustalıq tələb olunur. Məhz qazanılan uğurlarda müəllimlərin də əməyi danılmazdır. Məktəbdə dərsdən sonra da şagirdlərin hazırlığı ilə məşğul olmaq üçün onları fakültativ məşğələlərə cəlb etmək diqqətdə saxlanılır. Təhsil ocağının pedaqoji kollektivi şagirdlərin adlarının tələbələr sırasında olması üçün var qüvvəsi ilə çalışır. Bir məsələni də xüsusi qeyd edək ki, müəllimlər şagirdlərin milli dəyərlərə, yaradıcı təfəkkür və məntiqi yanaşmaya malik, dünyagörüşlü gənclər kimi yetişmələrinə ciddi önəm verirlər.

Məktəbin direktoru Ədalət Camalova deyir ki, dünyanın heç bir ölkəsində məktəb binaları Azərbaycanda olduğu kimi sürətlə, ən müasir tələblər səviyyəsində inşa olunmur, müasir avadanlıqlarla təchiz edilmir. Təhsilin inkişafı gənclərin gələcəyə hazırlanması deməkdir. Əgər Abşeron rayonunda təhsilin inkişafı üçün bu qədər tədbirlər görülürsə, yeni məktəb binaları tikilirsə, məktəblərin maddi-texniki bazası möhkəmləndirilirsə, biz müəllimlər də yaradılan şərait müqabilində vətənpərvər, təhsilli, yüksək intellektual səviyyəyə malik gənclər yetişdirməliyik. O, rəhbərlik etdiyi məktəbdə qazanılan uğurların səbəblərinin həm də məktəb kollektivinin işinə məsuliyyəti ilə izah edir. Bildirir ki, dövlət qayğısı, yaradılan şərait və tədris işinə məsuliyyət hissi məktəbdə vəhdət təşkil edir. “Əldə edilən nəticələrin artırılmasında məktəbdənkənar tədbirlərin, xüsusilə test-sınaq imtahanlarının obyektiv formada keçirilməsinin böyük əhəmiyyəti var. Hər sınaq imtahanının nəticələri valideyn və müəllimlərlə birgə müzakirə olunur. Rəhbərlik etdiyim şəhər 2 nömrəli məktəb bu il də rayonda birinci sıraya çıxdı. Bu, müəllimlərimizin birbaşa uğurları deməkdir. Məktəbimizin şagirdlərindən 155 nəfərinin ali məktəbə qəbul olunması adi hal deyil, bütünlüklə kollektivimizin qələbəsi deməkdir. Bu qələbədə hamının zəhməti var”.

Şamo Əliyev
XƏBƏR LENTİ
Bu gün, 15:38 | Çox çay və qəhvə içənlərə həkimdən QORXUNC XƏBƏRDARLIQ: Sümükləriniz əriyirBu gün, 15:25 | Prezidentin imzaladığı sərəncamlar ölkəmizdə aparılan uğurlu iqtisadi siyasətin nəticəsidirBu gün, 15:14 | Azərbaycanda dövlət qulluğunun ən müasir tələblər səviyyəsinə qaldırılması üçün məqsədyönlü iş aparılırBu gün, 15:03 | Azərbaycanın Rusiya ilə dövlət sərhəd xəttinin yüksək dağlıq əraziləri sərhəd nişanları ilə işarələnəcəkBu gün, 15:01 | Elmar Məmmədyarov: Azərbaycan QDİƏT-ə üzv olan ölkələrdə sülh, sabitlik və inkişafın artırılması istiqamətində səyləri artırmağa çağırırBu gün, 15:00 | Gürcüstan parlamentinin sədri Azərbaycana rəsmi səfərə gəlibBu gün, 14:59 | Azərbaycan Ordusunda döyüş postlarının növbətçi heyətləri arasında müsabiqə keçirilibBu gün, 12:52 | Abşeronlu gənclər istifadə etmədikləri geyimlərini ehtiyacı olan gənclərə bağışladılarBu gün, 11:55 | Sağlamlığı qorumaq istəyənlər qarpız yesin! Nəhəng giləmeyvənin 7 faydasıBu gün, 11:47 | Sona Əliyeva: Prezident İlham Əliyev sosial rifahın yüksəldilməsi üçün davamlı tədbirlər həyata keçirirBu gün, 10:12 | Ürəyinizin döyüntü sayı bu xəstəliklərdən xəbər verir - Türkiyəli kardioloq açıqladıBu gün, 10:11 | Təzyiqin aşağı salınmasının ən sadə üsulu. Dərmansız!Bu gün, 10:09 | Körpənin dırnağını necə kəsmək lazımdır?Bu gün, 10:07 | Mitsubishi şirkətindən süni intellektə malik danışma-tanıma texnologiyasıBu gün, 10:00 | 10 dəqiqəlik enerji ilə 300 kilometrlik yol üçün batareyaBu gün, 09:58 | Virtual həqiqət ilə hüceyrələrin içində səyahətDünən, 17:15 | Abşeron rayonunda səhiyyə işçilərinin peşə bayramı qeyd olunduDünən, 16:19 | Qarpızı alanda kəsdirməyin! ZİYANLARIDünən, 16:18 | Millət vəkili: Bu sərəncam əhalinin maddi-sosial vəziyyətinin yaxşılaşdırılması istiqamətində əsl inqilabdırDünən, 16:17 | Azərbaycan və Fransa birgə zirehli texnika istehsal edəcəkDünən, 14:51 | Məşhur psixoloqdan sağlam və möhkəm münasibət qurmağın 22 QAYDASIDünən, 14:48 | Azərbaycanla İran və İndoneziya arasında əmək, məşğulluq, sosial müdafiə sahəsində gələcək əməkdaşlığa dair fikir mübadilələri aparılıb