Xırdalan şəhərində yerləşən Heydər Əlyev adına Mərkəzdə Xırdalan şəhər 1 nömrəli tam orta məktəbin Dövlət Bayrağı Günü ilə bağlı tədbiri keçirilib.
Tədbirdə məktəb kollektivi ilə yanaşı Abşeron rayon icra hakimiyyəti başçısının müavini Fuad Cəbrayılov,rayon Təhsil şöbəsinin müdiri Kamran Rzayev,rayon Mədəniyyət və Turizim şöbəsinin müdiri İlham Manafov və KİV nümayəndələri iştirak edib.
Toplantıda Dövlət himni səslənib, Koroğlu uvertürası sədaları altında Azərbaycan respublikasının dövlət bayrağı şagirdlər tərəfindən səhnəyə gətirilib.Öz çıxışı ilə tədbiri açıq elan edən məktəbin müəlliməsi Günay Məlikova toplantı iştirakçılarını bayram münasibətilə təbrik edərək Dövlət bayrağı haqqında geniş məlumat verib. Bildirilib ki, Dövlət bayrağımız millətimizin, xalqımızın azadlıq və istiqlal ideyalarının, milli varlığının, bəşər sivilizasiyasında özünəməxsus qədim və çağdaş mədəniyyətə sahib olduğunun təcəssümüdür. Dövlət bayrağımız möhtəşəmliyi ilə "Ginnesin rekordları" kitabına düşüb. Hər birazərbaycanlının borcudur ki, ümummilli liderimizin azərbaycançılıq - vətənpərvərlik ideyalarına sadiq qalsın, bayrağımızın şərəfini hər yerdə qorusun, dünya arenalarında onun ən yüksək zirvələrdə dalğalanmasına nail olsun.
Yığıncaqda şagirdlər hərbi-vətənpərvərlik mövzusunda müxtəlif səhnəciklər nümayiş etdirib, şeirlər oxuyub, mahnılar səsləndiriblər.Xüsusilə Şəmistan Əlizamanlının şagirdlərlə birgə məhşur “ İgid Əsgər ” mahnısını ifa etməsi tamaşaçılar tərəfindən alqışlarla qarşılanıb. Səhnəyə dəvət edilən Şəmistan Əlizamanlı uşaqların hazırlığını, konsertin təşkilini və kompozisiyaların efektliyini yüksək qiymətləndirib.
Konsert proqramı tanınmış ifaçının yeni mahnıları ilə sona çatıb.
Şamo Əliyev