Xırdalanın şəhər statusu almasının 10 illiyi ilə əlaqədar keçirilən silsilə tədbirlərin davamı olaraq noyabırın 25-də Xırdalan şəhər 24 saylı bağçada körpə fidanların iştirakı ilə“Biz Şəhərimizi Sevirik” adlı bayram mərasimi təşkil olunub.
Tədbirdə Abşeron rayon İcra Hakimiyyətinin əməkdaşı Seymur Qasımbəyli, körpələr evi –uşaq bağçasının müəllim kollektivi və media nümayəndələri iştirak ediblər.
Bayram şənliyini bağçanın müdiri, bacarıqlı məktəbəqədər təhsil mütəxəssisi Leyla Bayramova açaraq qonaqları və uşaqları salamlayıb, Xırdalanın şəhər statusu almasının 10 illiyi münasibətilə şəhər sakinlərini təbrik edib. L.Bayramova öz çıxışında bildirib ki, bu gün Abşeronumuzun gələcəyi olan uşaqların təlim-tərbiyəsinin ən yüksək səviyyədə təşkili, onların sağlamlığının qorunması diqqət mərkəzində saxlanılır. Abşeron rayon İcra Hakimiyyətinin başçısı İradə Gülməmmədovanın uşaqlara diqqəti və qayğısının bariz nümunəsidir ki, körpələrimiz belə təmirli, şəraitli uşaq bağcalarında məktəbəqədər təhsil alırlar. O,həmçinin Xırdalana və Xırdalanlılara göstərdiyi diqqət və qayğıya görə İradə Gülməmmədovaya minnətdarlığını ifadə edib.
Sonra balaca istedadlar böyük məharətlə ifa etdikləri şeirlərlə, mahnı və rəqslərlə, göstərdikləri maraqlı səhnəciklərlə şəhərlərini necə sevdiklərini nümayiş etdiriblər.
Bir neçə mahnı və rəqs nömrəsindən sonra meydana əllərində müxtəlif rəqəmlər və həriflər yazılmış uşaqlar çıxıblar. Onların sıra ilə düzülməsindən "XIRDALAN 10" yazısı alınıb. Bu, onların qoynunda tərbiyə tapdıqları Şəhərin 10 yaşına işarə idi. Şənlik xoş əhval-ruhiyyə və əsl bayram ovqatı yaradıb, balacalara əyləncəli anlar yaşadıb.
Şamo Əliyev[/center]