Bu gün bəşəriyyəti düşündürən və rahatsız edən ən ağrılı problemlərdən biri də cəmiyyətin ciddi bəlasına, xalqın, millətin təhlükə mənbəyinə çevrilən narkomaniya və geniş anlamda narkotizmdir.Narkotik aslılığın elmi anlayışı ilk dəfə XVIII əsrin əvvəllərində verilmişdir. İyirminci yüz illiyin sonunda isə narkomaniya ümumbəşəri bəlaya çevrilərək fiziki mənada ayrı-ayrı xalqların genofonduna sarsıdıcı zərbələr vuran, qarşısının alınması böyük çətinliklər, külli miqlarda xərclər bahasına başa gələn son dərəcə neqativ bir amil olmaqla yanaşı, digər tərəfdən də narkobaronların narkotiklərin qanunsuz dövriyyəsindən külli miqdarda gəlir əldə etməsi üçün bir vasitəyə çevrilmişdir.
Narkotizmlə mübarizə uzunmüddətli, çoxşaxəli, geniş maliyyə vəsaiti tələb edən dinamik bir prosesdir. Problemin ictimai təhlükəliliyi isə ondan ibarətdir ki, bu cinayət həmişə gizli şəraitdə baş verir, nəzarətdən kənarda qalır və durmadan artır. Narkotizmin Azərbaycanda vəziyyəti və narkotik vəsitələrin ümumi çəkisi rəsmi qaydada aşkar edilmiş bu qəbildən olan cinayətlərdən və müsadirə edilmiş narkotiklərdən savayı, təqribi hesablamalara əsaslanır. Bu rəqəmlərin dolğun olması üçün ölkədə əvvəlcə narkomanların düzgün qeydiyyatına nail olunmalı, daha sonra isə real əməliyyat şəraitinə uyğun tədbirlər keçirilməlidir.
Gənc nəslin bu bəladan qorunması, onlarda maarifləndirmə işlərinin sürətləndirilməsi məqsədi ilə bugün Xırdalan şəhər 1 nömrəli tam orta məktəbdə tədbir keçirilib.
Məktəbin akt zalında Abşeron Rayon İcra Hakimiyyətinin və Abşeron Rayon Polis İdarəsinin birgə təşkilatçılığı ilə “ Narkomaniya ümumbəşəri bəladı” mövzusunda keçirilən tədbir dövlət himninin səsləndirilməsi ilə başlanıb.
Xırdalan şəhər 1 saylı tam orta məktəbin direktoru Kəmalə Yusufova çıxış edərək narkomaniyanın cəmiyyətimizə, gələcəyimiz olan gənclərin mənəviyyatına, əxlaqına ciddi mənfi təsir göstərməsindən, insanların narkomaniya adlı xəstəliyə düçar olaraq həyatlarının məhv olmasından ətraflı məlumat verib
Məktəbin müəllim və şagirdlərinin, Abşeron RİH-nin ,Abşeron RPİ-nin,Abşeron RTŞ-nın əməkdaşlarının,Abşeron rayon Gənclər və İdman idarəsinin,mətbuat nümayəndələrinin , həmçinin valideynlərin iştirak etdikləri tədbirdə narkomaniya və psixotrop maddələrin yaratdığı problemlərdən və fəsadlarından geniş bəhs edilib.
Abşeron rayon Polis İdarəsinin İctimai Təhlükəsizlik Şöbəsinin baş inspektoru polis mayoru Elburus Əhmədov bildirdi ki, narkomaniyanın qarşısının alınması üçün dövlət orqanları, ictimai təşkilatlar, ictimaiyyət nümayəndələri, təhsil işçiləri və valideynlər birgə mübarizə aparmalı, bu mövzuda vaxtaşırı olaraq maarifləndirici tədbirlər keçirilməlidir.Narkomaniya gənclərin cəlb olunmaması ilə hər kəs mübarizə aparmalı, hüquq-mühafizə orqanlarının bu istiqamətdə həyata keçirtdikləri qabaqlayıcı tədbirlərdə yaxından iştirak etməlidir.
Abşeron rayon Polis idarəsinin rəis müavini Elçin Rəcəbov çıxış edərək vurğulayıb ki, bu gün bəşəriyyəti düşündürən, cəmiyyətin ciddi bəlasına çevrilən, insan cəmiyyətinin mənəvi və əxlaqi dəyərlərinə böyük zərbə vuran narkotiklərin qanunsuz dövriyyəsi və narkomanlıq ən ağrılı problemlərdən biridir.
Abşeron Rayon İcra Hakimiyyətin Böyük məsləhətçi - Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Hafiz Mikayılov narkomaniya cəmiyyətin mənəvi və əxlaqi dəyərlərini sarsıdan, həmçinin insanların həyat və sağlamlığına ciddi təhlükə yaradan amil olduğunu bildirib. H.Mikayılov son illər ölkə miqyasında narkomaniyaya qarşı mübarizə tədbirlərinin geniş miqyas aldığını vurğulayıb, bu istiqamətdə daha ciddi addımların atılması üçün gənclərin üzərinə böyük məsuliyyətin düşdüyünü qeyd edib. O həmçinin vurğulayıb ki, Rayon İcra Hakimiyyəti tərəfindən bu cür halların baş verməməsi üçün onun təşkilatçılığı ilə mütamadi olaraq təhsil müəssisələrində elmi-praktik konfranslar keçirilir
Abşeron rayon Gənclər və İdman idarəsinin rəisi Əsgər Əmirəliyev ümumi kontekstdən geniş çıxış edərək gənc nəslin qarşılaşdığı ən dəhşətli bəla olan narkomaniyanın dəhşətli zərərlərindən və dövlətimizin bu bəlaya qarşı apardığı intensiv və şiddətli mübarizədən danışıb. O, çıxışında həmçinin gənc nəslin qəniminə çevrilən bu ümumbəşəri bəlaya qarşı dövlətimiz tərəfindən aparılan maarifləndirmə və önləmə tədbirlərindən, dövlətimizin həyata keçirtdiyi əməli işlərdən, həmçinin Abşeron Gənclər və İdman İdarəsinin üzərinə düşən işlərin icrasından danışıb. Abşeron rayonunda da rayon İcra Hakimiyyətinin Başçısı İradə xanım Gülməmmədovanın da rəhbərliyi ilə dövlət başçısı möhtərəm cənab Prezidentin siyasətinə uyğun şəkildə rayonun gənclər siyasətində mühüm uğurlar əldə olunmuş və bu sahədə təqdirəlayiq işlər görülür. Ə.Əmirəliyev çıxışında bildirib ki‚ bütün ölkə daxilində olduğu kimi‚ Abşeron rayonunda da gənclər dövlət dəstəyini hiss etməkdədir..
Daha sonra məktəblilərin ifasında təşkil olunmuş “ Narkomaniyaya yox deyək ” adlı bədii kompozisiya və “Narkomaniyaya yox deyək!” başlığı altında videoslayt nümayiş olunub.
Görüş məktəblilərin sual cavabları ilə diskusiya şəkilində sona çatıb..
Şamo Əliyev