Bu gün Abşeron rayonun təhsil ocaqlarının uğru hamımızı sevindirir. Rayonumuzun məzunlarının səsi ali məktəblərdən gəlir. Məzunlarımızın istər təhsil istərsədə idman sahəsində qazandıqları qələbələr daim artmaqdadır. Abşeron rayon təhsil şöbəsinin tapşırığı ilə məktəblərdə tez- tez bilik yarışları, olimpiadalar, nümunəvi dərslər təşkil olunur.
Bu gün Xırdalan şəhər 8 saylı tam orta məktəbdə "Bilik yarışı" keçirildi. Hər həftə silsilə şəkildə müntəzəm təşkli olunan yarışma dövlət himnimizin sədaları altında başlandı.
Məktəbin direktoru Roza Məmmədova çıxış edərək hər həftə sonu keçirilən yarış barədə qısa məlumat verərək, yarış iştirakçılarına uğurlar arzuladı. Məktəbin 6 cı sinif şagirdləri komanda şəklində yarışırdılar. 6-a "Venera", 6- b "Mars", 6-c "Yupiter" adlı komandalar hər komandada 6 nəfərdən ibarət idi.
Yarşın təşkilatçısı, məktəbin müəllimi Səfa Əyubova yarışın şərtlərin izah edərək yarışın başlanmasına işarə etdi.
[center]
[/center]
"Bilik yarışı" da Azərbaycan dili, İnformatika, Riyaziyyat, Həyat bilgisi və Tarix fənləri üzrə suallar tərtib olunmuşdu. Hər fənn 10 sualdan ibarət idi.
Yarışmada 6- a sinifinin "Venera" adlı komandası üstünlüyü ələ alsada sonda bütün suallrın düzgün cavablandırılmasında 6- c sinifinin "Yupiter" komandası qalib seçildi.
Xırdalan şəhər 8 saylı tam orta məktəbin direktoru R. Məmmədova "Yupiter" komandasına fəxri diplom və kuboku təqdim edərək 6-c sinifinin şagirdlərin və müəllimlərin təbrik etdi.