Masazır kənd 3 nömrəli tam orta məktəbdə biologiya müəllimi Elnarə Məhərrəmova “Dayaq hərəkət aparatı” mövzusunda açıq dərs keçirib. Dərs 8-ci sinif şagirdləri ilə aparılıb. Dərsdə Rayon Təhsil Şöbəsinin kimya-biologiya fənni üzrə metodisti Könül Nəcəfova, məktəb direktoru İlahə Orucova və fənn müəllimləri iştirak ediblər.
Dərsin məqsədi şagirdlərə insan organizmini təşkil edən sümüklərin quruluşunu və tərkibini, həmçinin sümük birləşmələri və qığırdaqlar mövzusunu öyrətmək olub. Dərs prosesində BİBÖ cədvəli, Venn diaqramı və təqdimatlar üsullarından istifadə olunub.
Dərsin əvvəlində müəllim şagirdlərə mövzu ilə əlaqəli slayd göstərib. Daha sonra şagirdlər qruplara ayrılaraq onlara verilən tapşırıqları yerinə yetiriblər. Dərsin sonunda müəllim qrupların fəaliyyətini qiymətləndirib.
Sonda Elnarə Məhərrəmovanın keçirdiyi açıq dərs müzakirə olunub. Təhsil Şöbəsinin metodisti Könül Nəcəfova dərs prosesinin yüksək səviyyədə keçdiyini və dərsin şagirdlərə mənimsədildiyini vurğulayıb. Digər ixtisas müəllimləri də dərsə münasibətlərini bildirərək, öz tövsiyyələrini veriblər.
