Xırdalan şəhər 5 saylı tam orta məktəbdə xalq şairi, dramaturq Səməd Vurğunun anadan olmasının 110 illik yubileyi münasibəti ilə tədbir keçirilib.
Tədbirdə Abşeron rayon İcra Hakimiyyətinin müavini hörmətli Fuad Cəbrayılov, rayon Təhsil şöbəsinin əməkdaşları, KİV- nin nümayəndələri, müəllim və şagirdlər iştirak edirdilər.
Şairin həyat və yaradıcılığından bəhs edən videoçarx, eləcədə məktəbin yaradıcılıq heyətinin hazırladığı ədəbi bədii kompozisiya numayiş olunub.
Məktəbin direktoru Şahin Yusifov diqqətə çatdırb ki, Səməd Vurğun, mənsub olduğu xalqın dilinin və poeziyasının mənəvi pasportudur. Ədəbiyyatımızın qızıl fondunu bəzəyən şairin əsərlərində xalqın müdrikliyi, qədim tarixi öz əksini tapıb. Direktor vurğulyıb ki, yazdığı lirik şeirlər, iri həcmli poema və dram əsərləri əsasında tərtib olunan tamaşalar, filmlər bu gün də aktuallığını itirmir. Səməd Vurğunun yaradıcılığı qaynar həyat çeşməsidir. Ölməz bədii söz ustası haqqında müasirlərinin ürəkdolusu yazdıqları işıqlı fikirlər onun xatirəsinə sonsuz məhəbbət və ehtiramın ifadəsidir.
Rayon İcra Hakimiyyətinin müavini Fuad Cəbrayılov Xalq şairi Səməd Vurğunun 110 illik yubleyinin keçirilməsinin əhəmiyyətindən danışaraq qeyd edib ki, Azərbaycan öz şair, yazıçı və mütəfəkkillərini unutmur.
Prezident İlham Əliyevin sərəncamına uyğun olaraq, respublikamızın hər yerində, o cümlədən Abşeron rayonunda Xalq şairi, dramaturq Səməd Vurğunun anadan olmasının 110 illik yubileyi münasibəti ilə bədii gecələr keçirilir. Cənab Cəbrayılov çıxışının sonunda 31 dekabr Dünya Azərbaycanlılarının həmrəylik günü və Yeni il münasibətilə məktəbin kolektivini təbrik edərək onlara cansağlığı, işlərində uğurlar arzuladı.
Əsasən heca vəznində yazdığı şeirlərin əksəriyyətinin dillər əzbəri olduğunu vurğulayan çıxışçılar “Azərbaycan, “Ceyran”, “Dağlar”, “Ananın öyüdü”, “Şəfqət bacısı” və digər onlarla əsərinin mahnı kimi bu gün də dillər əzbəri olduğunu bildiriblər.
Məktəbin müəllimləri şairin şeirlərini səsləndirdilər. Bildirilib ki, iki dəfə SSRİ Dövlət mükafatı laureatı olan, filologiya elmləri fəxri doktoru, Azərbaycanın ilk Xalq şairi, iki dəfə Stalin mükafatı laureatı Səməd Vurğun ədəbiyyat tariximizdə özünəməxsus çəkiyə malikdir.
Tədbirdə sənətkarın həyat və fəaliyyətindən danışıldı. Məktəbin şagirdləri şairin yaradıcılığından şeirlər səsləndiriblər.
Sonda məktəbin şagirdləri şairin “Vaqif” dramı əsasında hazırlanmış səhnəcik göstəriblər.
Hazırlanmış bədii proqram valideyn və qonaqlar tərəfindən böyük maraqla qarşılanıb.