Mehdiabad qəsəbə 4 nömrəli tam orta məktəbdə Azərbaycan uşaq ədəbiyyatının görkəmli nümayəndəsi, jurnalist, respublikanın əməkdar müəllimi, professor Zahid Xəlillə görüş keçirilib. Tədbirdə Rayon Təhsil Şöbəsini əməkdaşları, F.Köçərli adına Respublika Uşaq Kitabxanasının rəhbərliyi, məktəbin pedaqoji kollektivi və VI-VIII sinif şagirdləri iştirak ediblər.
Şagirdlər yazıçını məktəbin foyesində onun sözlərinə yazılmış mahnı ifası ilə qarşılayıblar. Daha sonra görüş məktəbin akt zalında davam edib. Tədbiri giriş sözü ilə açan məktəb direktoru Elnurə Cavadzadə şairin həyat və yaradıcılığından geniş məlumat verib. Şagirdlər yazışının “İki nar”, “Papaq”, “Yeddi rəngli muncuq”, “Güzgü” hekayələri və “Azərbaycan”, “Rəqəmlərin bəhsi” şeirləri əsasında hazırladıqları ədəbii-bədii kompazisiyaları təqdim ediblər. Həmçinin, tədbir iştirakçılarına ədibin həyat və yaradıcılığını əks etdirən video-sujet nümayiş olunub.
Tədbir zamanı Zahid Xəlil şagirdlərin ünvanladığı sualları cavablandıraraq, onlara maraqlı əhvalatlar danışıb. Sonda tədbir iştirakçıları foyedə ədibin yaradıcılığına həsr olunmuş “Sehrli dünyanın memarı – Zahid Xəlil” adlı kitab sərgisi ilə tanış olublar.
