Şənlikdə bağçanın rəhbərliyi, müəllimlər, valideynlər və körpə fidanlar iştirak ediblər. Uşaqlar Azərbaycan və ingilis dillərində müxtəlif şeirlər, mahnılar, rəqslər və səhnəciklər ifa ediblər.
Tədbirin sonunda bağçanın direktoru müəllimələri, valideynləri və uşaqları 8 Mart Qadınlar Günüamı münasibəti ilə təbrik edib.
Nigar Səfərova çıxışında bildirib ki, bəşəriyyətin ən istedadlı, zəngin mədəniyyətə malik xalqlarından olan Azərbaycan xalqı şanlı mübarizə yolu keçərək, bu gün dünyada misilsiz nailiyyətləri ilə tanınır, gündən-günə nüfuzu artır. Uğurların əldə edilməsində Azərbaycanın mərd və fədakar qadınlarının böyük rolu var. Ulu öndər Heydər Əliyevin dediyi kimi, “Azərbaycan qadını tarix boyu ağlı, zəkası, qeyrəti, namusu, isməti ilə, fədakarlığı, çalışqanlığı, mərdliyi, vətənpərvərliyi ilə millətinə, torpağına olan hədsiz məhəbbəti ilə, Azərbaycan qadınının xüsusiyyətləri ilə tanınmışdır”.
N.Səfərova vurğulayıb ki, Prezident İlham Əliyev qadınlara xususi diqqət və qayğı göstərərək, onların fədakar əməyinə, dəyərli xidmətlərinə hər zaman yüksək qiymət verir. İctimai-siyasi həyatda fəallıqlarını artırmalarına, idarəetmə strukturlarında təmsil olunmalarına geniş şərait yaradır.
Şamo Əliyev