Kim nə deyir desin, insanın pis vərdişlərə tez uyması bilik səviyyəsinin aşağı olmasından irəli gəlir. Əgər inasnın mütailəsi, informasiyası, bilgiləri bol və ətraflı olsa, heç vaxt siqaretə, içkiyə, qumara, narkomaniyaya, geni dəyişdirilmiş qida məhsullarına meylli olmaz. Onların orqanizmdə yaratdığı fəsadları bilən kəs heç vaxt ondan istifadə etməz.
Bu səbəbdən sağlam həyat tərzi ilə bağlı mühazirələrə, müzakirələrə, insanların maarifləndirilməsinə ehtuyac var. Söhbət maarifləndirməkdən getdiyi halda isə Abşeron rayon İcra Hakimiyyəti, rayon Polis şöbəsi, Təhsil şöbəsi, İdman və Gənclər idarəsi müntəzəm olaraq bu mövzuda tədbirlər keçirdərək, rayon ərazisində yerləşən təhsil ocaqlarında olur, çünki bu kompaniya məhz bu məqsədlə yaradılıb və yarandığı gündən istiqamətini belə götürüb.
Bu münasibətlə Abşeron rayon İcra Hakimiyyəti, rayon Polis Şöbəsinin təşkilatçılığı ilə silsilə maarifləndirici tədbirlərə hələ keçən dərs ilindən start verib.
Rayonun təhsil ocaqlarında, gənclərin və yeniyetmələrin çoxluq təşkil etdiyi məktəblərdə görüşlər təşkil olunur.
Bu gün Görədil kənd tam orta məktəbdə “Narkomaniya bəşəriyyətin bəlasıdır” adlı 2016/2017 ci il tədris ilində 33 cü marifləndirici tədbir keçirildi. Məktəbin direktoru Rəmziyyə Heydərova qonaqları salamlayaraq tədbirin mahiyyətindən söhbət açıb. Müasir dövrümüzdə insanlıq üçün böyük bəlaya çevrilən narkomaniya ilə mübarizənin vacibliyindən, bu problemə daim ictimai nəzarətin zəruriliyindən bəhs edərək qonaqları tədbir iştirakçılarına təqdim etdi. Tədbirdə Abşeron rayon İcra Hakimiyyətinin Yetkinlik yaşına çatmayanların işləri üzrə komisiyanın məsul katibi Hafiz Mikayılov, rayon İdman və Gənclər idarəsinin rəisi Əsgər Əmrəliyev, rayon Polis İdarəsinin Yetkinlik yaşına çatmayanlarla profilaktiki işin təşkili qrupu baş inispektoru, polis mayoru Elbrus Əhmədov, rayon Polis İdarəsinin rəis müavini, polis polkovniki Elçin Rəcəbov, rayon Polis idarəsinin narkotiklərlə mübarizə qrupunun inispektoru polis leytinatı Beyrək Nəsirov, Görədil polikilinkasının həkimi Şücaət Zeynalova, Abşeron İnformasiya agentliyinin rəhbəri Anar Nağıyev, kənd ictimayyətinin nümayəndələri, məktəbin müəllim və şagird kolektivi iştirak edirdilər.
Rayon Polis Şöbəsinin əməkdaşı Elbrus Əhmədov mühazirə ilə çıxış etdi. E. Əhmədov bildirdi ki, narkomaniya və narkobizneslə beynəlxalq mübarizənin tarixi köklərindən və hüquqi əsaslarından danışıb və ölkəmizdə bu sahədə görülən işlər barədə ətraflı məlumat verib. Məktəbin müəllim və şagird heyətinə narkomaniyanın gətirdiyi bəlalardan, onun istifadəçilərinin qarşılaşdığı faciələrdən bəhs edib.
Mühazirəçi deyib ki, narkomaniya keçici xəstəliklərin sürətlə yayılmasına səbəb olur. Narkotik maddələrin bir çoxu şprislə qana ötürüldüyündən və narkoman qrupları daxilində eyni şprisdən istifadə edildiyindən narkomanlar arasında QİÇS və başqa xəstəliklərə tutulma halları çox olur. Bütün bu söhbətlər onun nümayiş etdirdiyi slaydlar vasitəsilə əyani olaraq tələbələrə göstərilib.
YAP Abşeron rayon təşkilatı Gənclər Birliyinin sədri Elgün Hümbətov öz çıxışında vurğuladı ki, “Narkomaniyaya yox deyək” adlı belə tədbirlərimiz tez- tez keçiriləcək. Mühazirə və müzakirədən sonra məhkumların bu sahədə fikirləri dinlənilib, çıxışlardan sonra dinləyicilərə belə maarifləndirici tədbirlərin əhəmiyyətindən, sağlam ailə qurmağın və savadlı, sağlam böyümsəinin vacibliyindən danışdı.
Rayon Polis İdarəsinin əməkdaşı Beyrək Nəsirov çıxış edərək vurguladı ki, “Sağlam həyatı seçək, narkomaniyaya yox deyək” mövzusunda mühazirəsi müəllimlər və şagirdlərin tərəfindən həyat terzinə çevrilməlidir.
Narkomaniya əleyhinə hamımız mübarizə aparmalıdır. Tədbir iştirakçılarını maraqlandıran suallara cavab verilərək, mövzu ətrafında söhbətlər getdi. Qonaqlar şagirdlərin suallarını cavablandırdılar.
Sonda "Narkomaniyaya yox deyirik" adlı videoçarx nümayiş olundu.
Rayonda yeniyetmə və gənclərin iştirakı ilə “Narkomaniyay “yox!” deyək” adlı dikussiyalar aparılır. Bu elə bir mövzudur ki, hər zaman hər yerdə bu yöndə maariflənməyə ehtiyac var. “Narkomaniyaya “yox!” deyək Abşeron Rayon İcra Hakimiyyətinin birgə təşkilatçılığı ilə təşkil onunan tədbirdə gənclərə narkomaniyanın fəsadları haqqında ətraflı məlumat verilib, sağlam həyat tərzinin üstünlükləri hərtərəfli çatdırılıb. Təhsil şöbəsi məktəblərdə “Sağlam həyat tərzi” adı altında gənc nəslin maaarifləndirilməsi işini davam etdirir.
