Tədbir Dövlət himninin səsləndirilməsi ilə başlayıb.
Toplantıda yerli icra hakimiyyəti və polis şöbəsinin əməkdaşları, təhsil, səhiyyə müəssisələrinin nümayəndələri və məktəblilər iştirak ediblər.
Məktəbin direktoru Xuraman Behbudova tədbiri açaraq narkotiklərin insan orqanizminə, sağlamlığa vurduğu zərərlərdən, ümumilikdə cəmiyyətdə törətdiyi sosial bəlalardan danışdı və şagirdləri narkomaniyaya qarşı mübarizədə fəal olmağa səslədi.
Daha sonra Rayon Polis İdarəsinin Yetkinlik yaşına çatmayanlarla profilaktik işin təşkili şöbəsinin baş inspektoru Elbrus Əhmədov narkomaniya və onun fəsadları barədə geniş məlumat verib.
Rayon polis şöbəsinin rəis müavini Elçin Rəçəbov öz çıxışında son illər narkotik vasitələrə qarşı mübarizənin xeyli gücləndiyini, dövlət orqanlarının bu sahədəki fəallığının xeyli artığını və sosial bəlaya qarşı aparılan kompleks mübarizə tədbirləri sırasında Abşeron rayonunda müxtəlif tədbir həyata keçirildiyini söyləyib.
YAP Abşeron rayon təşkilatı Gənclər Birliyinin sədri Elgün Hümbətov gənclərin asudə vaxtlarının səmərəli təşkilinin vacibliyini qeyd edib, gəncləri tütün, alkoqol və narkomaniya kimi zərərli vərdişlərdən uzaq olmağa çağırıb. O, gənclərin sağlam əsaslar üzərində böyümələrinin vacibliyini vurğulayıb.
Qobu Qəsəbə Xəstəxanasının həkimi Lətafət Əsədova narkotik vasitələrin insan orqanizminə vurduğu zərərli təsir, onun törətdiyi ağır fəsadlar, narkomanların erkən aşkar olunması və müalicə profilaktikası istiqamətində görülən işlər barədə məlumat verib.
Yığıncaqda çıxış edənlər sosial bəlaya qarşı mübarizədə ayrı-ayrı təşkilatların və cəmiyyətin hər bir üzvünün üzərinə düşən məsuliyyət hissindən danışıblar və mövzu barədə məktəbliləri maraqlandıran suallara cavab veriblər.
Qeyd edək ki, bu, Abşeron Rayon Polis İdarəsinin 2016-2017-ci tədris ilində orta məktəb və kolleclərdə narkomaniya mövzusunda keçirdiyi 36-cı tədbirdir.
Şamo Əliyev
