Abşeron rayon İcra Hakimiyyətinin tapşırığı ilə FHN Sumqayıt Regional Mərkəzi tərəfindən Abşeron rayonunda "Təhlükəsizlik həyat" mövzusunda nəzəri-praktik tədbir keçirilir. Abşeron rayon təhsil ocaqlarında silsilə şəkildə tədbirlər davam edir.
Bu gün Xırdalan şəhər 5 saylı tam orta məktəbdə Təhlükəsiz həyat" mövzusunda keçirilən tədbirdə İcra Hakimiyyətinin və Təhsil Şöbəsinin əməkdaşları, məktəbin müəllim və şagirdləri iştirak etmişdir.
Tədbir iki hissədən ibarət olmuşdur. Nəzəri hissə çərçivəsində məktəbin müəllimləri "Fövqəladə hallar zamanı davranış qaydaları", "Yanğın təhlükəsizliyi qaydaları", "112 qaynar telefon xətti təhlükəsizliyimizin qarantıdır", "Dəm qazından ehtiyatlı olun", "Elektrik cərəyanı haqqında anlayış. İnsanın elektrik cərəyanının təsirindən azad edilməsi" və "Zərərçəkmiş insanlara ilkin tibbi yardımın göstərilməsi" mövzularında çıxışlar etmişlər.
Daha sonra məktəbin şagirdlərinin hazırladıqları səhnəciklər və kompozisiyalar nümayiş etdirilmişdir. Tədbir iştirakçıları ilə qarşılıqlı fikir mübadiləsi aparılmış, onları maraqlandıran suallar cavablandırılmışdır.
Tədbirin praktiki hissəsində məktəbin şagirdləri həyətində FHN zamanı nə edəcəkləri, yanğınsöndürənləri tərəfindən şərti xilasetmə əməliyyatları nümayiş etdirilmişdir.
Sonra məktəbin təxriyyə planına və texnikalarına baxış keçirilmiş, onların təyinatı və istifadəsi qaydaları haqqında məlumat verilmişdir.