Xırdalan şəhər 1 saylı körpələr evi-uşaq bağçasının kollektivi ümummilli lider Heydər Əliyevin anadan olmasının 94-cü ildönümünə həsr olunmuş “Ulu öndər–ulu rəhbər” adlı tədbir keçirib.
Tədbirdən öncə Heydər Əliyev Mərkəzini ziyarət edən Xırdalan şəhər 1 saylı körpələr evi-uşaq bağçasının körpə fidanları əvvəlcə Mərkəzdə Ümummilli Lİderimizin büstünü ziyarət edib, önünə gül dəstələri düzərək xatirəsini ehtiramla yad ediblər.
Daha sonar Mərkəzin əməkdaşları qonaqları salamlayıb, onları burada fəaliyyət göstərən muzey, sərgi zalı, konfrans və təqdimat zalları, müzakirə və diskussiya zalları, elektron kitabxana , linqafon, internet və rəssamlıq otaqları, fotostudiya və rəqs zalı ilə tanış edib və Heydər Əliyev irsinin təbliği istiqamətində Mərkəzin gördüyü işlər barəsində məlumatlandırıblar.
Tədbirin rəsmi hissəsi bağçanın musiqi zalında davam etdirilib.
Dövlət Himninin səslənməsi ilə başlanan tədbiri adı cəkilən bağçanın müdiri Vüsalə Məşədiyeva açaraq qeyd edib ki, Azərbaycan xalqının tarixində və taleyüklü məsələlərin həllində ümummilli liderin müstəsna xidmətləri olub. Müasir Azərbaycan dövlətinin yaradıcısı, qurucusu və memarı Heydər Əliyevdir. “Mən müəllimdən yüksək ad tanımıram”-deyən ulu öndər bütün sahələr kimi milli təhsilimizin inkişafı üçün çox böyük işlər görmüşdür.
Tədbirdə uşaqalara ümummilli Lider Heydər Əliyevin həyatı, fəaliyyəti və rəhbərliyi dövründə yeritdiyi uğurlu siyasəti barədə geniş məlumat verilib, müasir Azərbaycan tarixindəki rolu, demokratik, hüquqi dövlət quruculuğu istiqamətində həyata keçirdiyi islahatlar, vətən, xalq qarşısındakı tarixi xidmətlərindən bəhs edilib.
Sonra bağçanın balaca fidanlarının hazırladıqları ədəbi-bədii kompozisiya nümayiş etdirilib. Balacalar Ulu Öndər Heydər Əliyevə həsr olunmuş şeirlər söyləyib, mahnılar oxuyub və rəqs ediblər.
Bağçanın məktəbəhazırlıq və böyük qruplarının fidanları tədbirin sonunda düzülərək
"94" rəqəmini yazıblar. Şamo Əliyev 
