Xırdalan şəhər 17 nömrəli uşaq bağçasında keçirilən "açıq məşğələ"nin məqsədi bağçada tərbiyə alan uşaqların riyaziyyat fənnindən bilikərini nümayiş etdirmək olub.
Tədbirdə Abşeron rayon İcra Hakimiyyəti Başçısının müavini cənab Fuad Cəbrayılov, rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Seymur Qasımov, Abşeron informasiya agentliyinin nümayəndələri, Dünya tv -nin əməkdaşları və digər bağçalardan müəllim və tərbiyəçilər iştirak edirdilər. Qonaqlar öncə Xırdalan şəhər 17 nömrəli uşaq bağçasında uşaqların təlim-tərbiyəsi, inkişafı, sağlamlığının qorunması üçün yaradılan şəraitlə yaxından tanış olublar.
Bağçanın müdiri Könül İbrahimova məşğələ iştirakçılarını salamlayaraq bildirib ki, "açıq məşğələ" rus bölməsinin hazırladığı riyaziyyat fənninə həsr olunub. "Açıq məşğələ"in rayonumuzda silsilə şəkildə keçirildiyini vurğulayan K. İbrahimova balaca fidanların həriflər və rəqəmləri böyük həvəslə öyrəndiklərini qeyd etdi.
"Açıq məşğələ" başlandı. Böyük qrupun rus bölməsinin uşaqları müxtəlif rəqəmlərin vurma, çıxma, bölmə əməliyyatlarını yerinə yetirdilər. Verilmiş tapşırıqlar uşaqlar tərəfindən tez və dəqiq yerinə yetirildi. Həndəsi fiqurları tapan şagirdlər onalara oxşar müxtəlif əşyalar barədə məlumat verdilər. Bağçanın müəllimi olan Yeganə Hüseynovanın verdiyi bütün tapşırıqlara cavab verən balacalar alqışlarla qarşılandı.. Uşaqlar dövlət atributalrı barədə qonaqlara geniş məlumat verdilər.
Abşeron rayon İcra Hakimiyyətinin Başçısının müavini Fuad Cəbrayılov çıxış edərək rayonda məktəbəqədər tərbiyə müəssisəsələrində "Açıq məşğələ" lərin keçirilməsinin əhməmiyyətindən danışaraq, vurğuladı ki, bu gün bu fidanların bünovrəsi məhz bağçadan qoyulur. Uşaqlar məktəbəqədər tərbiyə müəssisələrində formalaşır.
Bu günkü bu tədbir birdaha bunun əyani sübutudur. Bu gün ölkə rəhbəri respublikamızın hər yerində Heydər Əliyev Fondunun təşəbbüsü ilə inşa edilən körpələr evi-uşaq bağçaları istifadəyə verilir. Görülən bütün bu işlər bir daha təsdiqləyir ki, dünyada xoş məramı, xeyirxah işləri ilə seçilən Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva gələcəyimiz olan uşaqlara xüsusi diqqətlə yanaşır, onların sağlam, bilikli, savadlı və intellektli olmaları üçün əlindən gələni edir.
Son illərdə Fondun prezidenti Mehriban Əliyevanın təşəbbüsü ilə paytaxtla yanaşı, bölgələrimizdə də bir çox uşaq tərbiyə və təhsil müəssisələrində əsaslı təmir və yenidənqurma işləri aparılıb, yeni uşaq bağçaları tikilib.
Belə layihələrin icrasında əsas məqsəd məktəbəqədər təhsildə əvvəllər mövcud olan çatışmazlıqların aradan qaldırılması idi və buna da nail olur.
Heydər Əliyev Fondu bu sahədə mövcud çatışmazlıqların aradan qaldırılması üçün yeni bir layihəyə start verib.
“Məktəbəqədər təhsil müəssisələrinin inkişafı” proqramı uğurla həyata keçirildir. Çıxışının sonunda F. Cəbrayılov İcra başçısı İradı xanım Gülməmmədovanın təhsil ocaqlarına o cümlədən məktəbəqədər tərbiyə müəssisəsələrə qarşı diqqət və qayğısından danışaraq rayonumuzda son illər 3 bağçanın tikilib istifadəyə verilməsi, çoxlu sayda bağçaların təmir və bərpasınını və yeni bağçalarında tikilməsini xatırlatdı.
Pedaqoji kollektivə fəaliyyətində uğurlar arzulayıb və gələcəkdə həyata keçiriləcək "açıq məşğələ", tədbir və şənliklərlə bağlı öz təkliflərini verdi.
Bağçanın rəhbərliyi tərəfindən tədbirin təşkilatçısı Yeganə Hüseynova mükafatlandırıldı. Sonda "Açıq məşğələ" uşaqların ifasında mahnı, rəqs və səhnəciklərdən ibarət nömrələrlər nümayiş olunub.
