12 iyun 2017-ci il tarixində saat 11:00 da Abşeron rayon Xırdalan şəhəri Mədəniyyət Mərkəzində F.Köçərli adına Respublika Uşaq Kitabxanasının və Abşeron rayon Təhsil Şöbəsinin birgə hazırladıqları “İslam Həmrəyliyi İli” ilə əlaqədar Abşeron rayon məktəbləri arasında “Nağılları yaşadaq” adlı nağıl müsabiqəsinin final mərhələsinin keçirildi.
Müsabiqədə Azərbaycan, Türkiyə, Qazaxıstan, Özbəkistan, Qırğızıstan və Misir dövlətlərinin nağılları təqdim olunacaq.
Tədbiri keçirməkdə məqsəd İslam dövlətlərinin mədəniyyəti, adət və ənənəsi, folkloru, nağılları ilə uşaqları yaxından tanış etmək, onlarda mərd və cəsur olmaq, zəka və intellektual səviyyəni yüksəltmək, vətənə sevgi, hörmət və ehtiram kimi ülvi hissləri aşılamaq və maarifləndirməkdir.
Bununla yanaşı Mərkəzin foyesində İslam ölkələrinin nağıllarından ibarət kitab sərgisi və əl işlərindən ibarət sərgi nümayiş edildi.
Tədbirdə rayon İcra Hakimiyyətinin, Yazıçı və jurnalistlər, rəssamlar, F.Köçərli adına Respublika uşaq kitabxanasının, Gənc tamaşaçılar teatrının, təhsil şöbəsinin, təhsil ocaqlarının, KİV- nin nümayəndələri iştirak edirdilər. Müsiflər Xalq rəssamı Arif Hüseynov, Yzıçı, tərcüəçi, Sevinc Nuruqızı, F. Köçərli adına Respublika Uşaq kitabxanasının direktoru Əməkdar Mədəniyyət işçisi Şəhla Qəm, Gənc tamaşaçılar teatrının aktyoru Elnur Hüseynov, JUrnalistlər Birliyinin üzvü kitabxana kolliktorunun direktoru Ələddin Əsədov idi.
21 aprel 2017 ci il tarixindən start verilmiş müsabiqədə Abşeron təhsil ocaqları 38 məktəb iştirak edirdi. Müsabiqədə 4-cü və 6 cı sinif şagirdləri iştirak edirdilər. Onların arasından seçilən 6 məktəb finalda görüşdü.
Xırdalan şəhər 7 saylı məktəbin "Qoca pəhləvan", Ceyrənbatan qəsəbəsi 2 saylı məktəbin "Üç qarpuzun toxumu", Mehdiabad qəsəbəsi 4 saylı məktəbin "Sevimli kəpənəklər", Xırdalan şəhər 2 saylı məktəbin "Ağıllı Dehqan", Xırdalan şəhər 8 saylı məktəbin "Kəloğlanın arzusu", Mehdiabad qəsəbəsi 3 saylı məktəbin "Zəhmət və zinət" adlı tamaşalar şagirdlər tərəfindən məharətlə ifa olundu.
Xırdalan şəhər 8 saylı məktəbin şagirdlərinin hazırladıqları Türk nağılı "Kəloğlanın arzusu" birinciliyi qazandı. Müsiflər heyyəti tərəfindən qaliblərə mükafatla təqdim olundu. Abşeron rayon təhsil şöbəsinin metodisti Səkinə Abbasovaya tədbirin təşkilinə görə təşəkkür olundu. S. Abbasovaya Misir Ərəb Respublikasının Ali Təhsil və Elmi Tədqiqatlar Nazirliyinin medalı təqdim olundu. Sonda xatirə şəkili çəkildi.