18 iyul 2017-ci il tarixdə Xırdalan şəhər 2 nömrəli tam orta məktəbdə məzunlara şəhadətnamə və attestatların təqdim olunması mərasimi keçirildi. Tədbiri məktəbin direktoru Ədalət Camalova açdı, məzunlara gələcək təhsillərində müvəffəqiyyətlər və onlara ali məktəb tələbəsi adını qazanmağı arzuladı. Məktəbin direktor müavini R.Hüseyinov tədbir iştirakçılarına buraxılış imtahanlarının nəticələri barədə məlumat verdi; vurğuladı ki, bu ilin nəticələri ürəkaçan olmuşdur. Daha sonra valideynlər və məzunlar məktəb rəhbərliyinə və müəllimlərə öz minnətdarlığını bildirdilər və sonda xatirə şəkli çəkildi.
Məlumat üçün bildirək ki, 2016-2017-ci tədris ilində Xırdalan şəhər 2 nömrəli tam orta məktəbi IX sinif üzrə 288, XI sinif üzrə 184 şagird bitirib. 2017-2018-ci tədris ilində I sinfə 550 şagirdin qəbul olunacağı proqnozlaşdırılır.
Şamo Əliyev