Körpə fidanların istedadlarının aşkara çıxarılması məqsədilə Xırdalan şəhər 15 saylı körpələr-evi uşaq bağçasında asfalt üzərində rəsm müsabiqəsi keçirilib.
Məşğələ iştirakçıları tabaşirlə rəsmlər çəkərək, bacarıq və qabiliyyətlərini nümayiş etdiriblər.Əvvəlcə uşaqların sülh mövzusunda asfalt üzərində işlədikləri rəsm işlərinə baxış keçirilib. Məktəbəhazırlıq qrupunu təmsil edən uşaqlar cəkdikləri rəsmlər haqqında bağçanın müdirəsi Mətanət Novruzova və digər qonaqlara ətraflı məlumat veriblər.
Tədbir bağça uşaqlarının sülhə, vətənə aid söylədikləri şeir parçaları ilə davam etdirilib.
Daha sonra çıxış edən Mətanət Novruzova bildirib ki, bu gün ölkəmizdə milliyyətindən asılı olmadan bütün millətlər azad, firavan yaşayır və ölkəmizdə sülh, tolerantlıq nümunələri hər zaman yüksək səviyyədə təbliğ edilir. M.Novruzova çıxışında vurğulayıb ki, ölkəmiz bu gün sülh ölkəsi kimi bütün dünya ölkələrinə nümunədir.Bizim əsas məqsədimiz isə kamil şəxsiyyət-insan-vətəndaş yetişdirməkdir. Bu işdə hər birimizin üzərinə böyük məsuliyyət düşür.
Sonda əmin-amanlıq və barış rəmzi olaraq sülh göyərçinləri səmaya uçurulub.
Şamo Əliyev