Abşeron rayonunda məktəbəqədər müəssisələrində cari təmir işləri yekunlaşır

Tarix:28-08-2017, 17:29

“Uşaqlar bizim gələcəyimizdir, gələcəyimizi nə cür tərbiyə edəcəyiksə,
ölkəmizin, millətimizin, dövlətimizin sabahı bundan asılı olacaqdır”.
Heydər Əliyev

Uşaq – heç bir sözlə ifadə edilməyən və dəyəri heç nə ilə ölçülməyən əvəzsiz bir varlıqdır. Xalqın, dövlətin ən qiymətli sərvəti uşaqlardır. Uşaqlar dövlətin gələcəyi, dövlətin möhkəmliyidir. Bu səbəbdən tarixən hər bir dövlət və cəmiyyət gələcəyi olan uşaqların qayğısına qalmağı, onların fiziki və mənəvi cəhətdən böyüməsini təmin etməyi özünün ən ümdə vəzifələrindən biri hesab etmişdir. Respublikamız da bu mühüm məsələyə daim diqqət və qayğı ilə yanaşır.
Abşeron rayon İcra Hakimiyyətinin başçısının tapşırığı ilə Abşeron rayonunda yerləşən məktəbəqədər müəssisələr təmir bərpa olunur.
Rayon icra hakimiyyəti başçısının diqqət və qayğısının nəticəsi olaraq rayonda "Bilik günü"nə tam surətlə hazırlıq işləri gedir. Bu işlərə misal olaraq Xırdalan şəhərində fəaliyyət göstərən 17 saylı uşaq bağçasında aparılan cari təmir işlərini göstərmək olar. Təmir işləri bağçanın həyətində və bəzi koruslarında aparılır, bağça isə öz fəaliyyətini digər korpusunda davam etdirir. Xırdalan şəhər 17 saylı Uşaq bağçası və körpələr evi 13 qrupdan ibarətdir.

Təmir işləri çərçivəsində 17 saylı uşaq bağçasının ikimərtəbəli korpusunda su, qaz, elektrik və kanalizasiya xətləri təmir olunub. Zirzəmi çirkab sulardan təmizlənərək, bərpa olunub. Binanın fasadı, həyətin hasarı rənglənib. Döşəmələr tam yenilənir. Təmir işlərinə 2-yə yaxın briqada cəlb edilib. Əsaslı təmir çərçivəsində qrup otaqlarının geniş və işıqlı olması nəzərə alınır.
Dəhlizlər və pilləkənlər rənglənərək, bərpa olunub. Korpuslar arasındakı ehtiyat çıxışlar da yenidən qurulub. Binanın ətrafında uşaq aləmi rəsm əsərləri ilə bəzədilib. Bağçanın həyəti alaq otlarından təmizlənərək səliqəyə salınıb. Uşaqların əylənməsi üçün sürüşkənlər düzəldilib.

Uşaq bağçasının həyətində yaşıllıq zolağı salınıb. Gül və ağac kollarının dibləri işlənərək belənmişdir. Skamyalar və uşaqların əylənməsi məqsədilə bağçanın həyətində müxtəlif əyləncə qurğularının quraşdırılmışdır. Bağça yeni çarpayılar, xalçalar, televizorlar, kondisionerlərlə təmin olunmuşdur. Həyətdə yeni kölgəliklər uşaqların istifadəsinə verilmişdir. Sabahımız olan balaca fidanlara təhsil alamaları üçün tam şərait qurulmuşdur.