Bu gün 15 sentyabr - «Bilik günü» ənənəvi olaraq Abşeron rayonunun bütün orta təhsil müəssisələrində təntənəli şəkildə qeyd olunub.
Xırdalan şəhər 27 saylı Uşaq bağçası və körpələr evində yeni dərs ilinin başlanmasına həsr olunmuş tədbirdə çıxış edən Uşaq bağçasının müdiri Samirə Məmmədova qazanılan uğurlardan danışmışaraq bildirmişdir ki, rayonumuzda son illər görülən işlər göz oxşayır. İki şəhər arasında yerləşən Xırdalan şəhərinin inkişafı, abadlıq və quruculuq işləri hamımızı sevindirir. Abşeron rayon icra hakimiyyəti başçısı İradə xanım Gülməmmədovanın təhsilə olan diqqət və qayğısı əldə etdiyimiz uğurları artırır.
S. Məmmədova qeyd etdi ki, son illərdə qazanılan bütün uğurlar ölkə başçısı cənab İlham Əliyevin təhsilin inkişafı ilə əlaqədar imzaladığı proqramlar çərçivəsində həyata keçirilən islahatlar, ölkənin birinci xanımı Mehriban Əliyevanın təhsil obyektlərinin yeniləşməsi sahəsində gördüyü işlərin və dövlətimizin bu sahəyə xüsusi qayğısının nəticəsi kimi dəyərləndirilməlidir.
Yeni dərs ili ərəfəsində körpələr evində yaradılmış şəraitə, onun lazımi inventar və dərs ləvazimatları ilə təminatına, həmçinin rayon təhsilinin inkişaf və tərəqqisi üçün gördüyü işlərə görə rayon rəhbərliyinə bağçanın kollektivi və valideynlər adından dərin təşəkkürünü bildirmişdir.
Tədbirdə Xırdlan şəhər 23 saylı Uşaq bağçasının müdiri Aybəniz Sadıxova və Xırdlan şəhər 25 saylı Uşaq bağçasının müdiri Ofelya Muradova iştirak edirdilər. Tədbirdə çıxış edən Aybəniz Sadıxova "Bilik günü münasibətilə rayonun ntəhsil işçilərini təbrik edərək onlara məsuliyyətli və şərəfli peşələrində uğurlar arzuladı.
Balaca fidanları hazırladığı bədii kompozisiya, müasir bal və milli rəqslər tədbir iştirakçılarının alqışları ilə müşayət olunmuşdur.
Ənənəvi «Bilik günü» tədbirləri rayonun digər məktəbəqədər təhsili ocaqlarında keçirilmiş, bu tədbirlərdə rayon ictimaiyyətinin nümayəndələri iştirak etmişlər.