Tədbirdə 6 saylı uşaq bağçasının müdiri Aygün Məmmədova,Digah qəsəbə bələdiyyəsinin sədri Vüqar Ələkbərov, RİH başçısının Digah qəsəbə inzibati ərazi dairəsi üzrə nümayəndəsi Rəşad Babayev və bağçanın kollektivi iştirak ediblər.
Bayram şənliyində öncə Azərbaycan Respublikasının Dövlət himni səsləndirildi.
Tədbiri açıq elan edən bağçanın müdiri Aygün Məmmədova qonaqları salamlayaraq, bildirib ki, bu gün Azərbaycanın dövlət müstəqilliyini bərpa etməsindən 26 il ötür. Azərbaycan bütün çətinliyə, 70 illik zülm və əsarətə baxmayraq, 1991-ci ilin oktyabr ayının 18-də müstəqilliyini yenidən bərpa edib, özünün suverən dövlətini yaradıb: "Ancaq zamanın axarı ölkəmizi daha böyük sınağa çəkdi. Çətinliklər bahasına əldə etdiyimiz müstəqilliyimiz daxili çəkişmələr və xarici qüvvələrin müdaxiləsi nəticəsində təhlükə ilə üz-üzə qalmışdı. Böyük siyasi təcrübəyə malik olan Ümummilli Lider Heydər Əliyevin ölkədə hakimiyyətə qayıdışı ilə bu təhlükə tamamilə sovuşdu.
Daha sonra bağçanın fidanlarının ifasında Milli Müstəqillik Gününə həsr edilmiş kompozisiya nümayiş etdirilib. Uşaqlar hazırladıqları nümunələri böyük ustalıqla tədbir iştirakçılarına çatdırıblar. Körpə fidanların şən musiqi və rəqs nömrələri tədbiri daha da rəngarəng edib.
Sonda çıxış edənlərdən qəsəbə bələdiyyəsinin sədri Vüqar Ələkbərov və RİH başçısının Digah qəsəbə inzibati ərazi dairəsi üzrə nümayəndəsi Rəşad Babayev müstəqilliyimizin 26-ci ildönümü münasibətilə bütün tədbir iştirakçılarını və Azərbaycan xalqını təbrik edərək, müstəqilliyimizin daimi və möhkəm olmasını arzulayıblar.
Şamo Əliyev