Xırdalan şəhər 1 nömrəli uşaq bağçasında keçirilən "açıq məşğələ"nin məqsədi bağçada tərbiyə alan uşaqların riyaziyyat fənnindən bilikərini nümayiş etdirmək olub.Musiqi sədaları altında zala daxil olan uşaqlar tədbir iştirakçılarını salamladıqdan sonra məşğələ başlayıb. Bağçanın uşaqları ilə "açıq məşğələ"ni tərbiyəçi Suqra Zeynalova və musiqi rəhbəri Dürdanə Nəsibova aparıb. S.Zeynalova məşğələdə yeni təlim üsullarından və əyani vasitələrdən istifadə etdib. Böyük qrupda açıq məşğələ zamanı yeni mövzunun öyrənilməsi üçün motivasiya qurulub, uşaqlara qrup işində düşündürücü suallar verilib. Uşaqlar məşğələ zamanı həm öyrənib, həm də əyləniblər.
Məşğələdən sonra onun təhlili aparılıb. Bağçanın müdirəsi Vüsalə Məşədiyeva çıxışında "açıq məşğələ"nin yaxşı keçdiyini vurğulayıb. Aparılan təlim-tərbiyə işinin nəticəsində tədbirin yüksək səviyyədə hazırlandığını, bağçada bir çox istiqamətlərdə müsbət təcrübə toplandığını qeyd edən Vüsalə Məşədiyeva bildirib ki, bu tədbirin ərsəyə gəlməsində tərbiyəçilərin xüsusi rolu var.
Şamo Əliyev
